Enya

Di Wikipedia, e ensiklopedia liber

Enya, kual su nòmber mes ta Eithne Ní Bhraonáin, Nase dia 17 di Mei 1961. Enya ta e kantante kuta kanta solo di Repúblika di Irlanda. E ta un di e músikonan ku ta mas konosí na Irlanda i ku ta bende mas tantu. Komo un grupo musikal, Enya ta un kolaborashon entre tres persona: Enya mes, kual ta kompositá i kanta e kantikanan; Nicky Ryan, kual ta produsí e álbùmnan, i Roma Ryan, kual ta skibi e lírikonan den vários idioma. Enya ta un transkripshon kon Eithne ta wòrdu pronunsiá den su Irlandes nativo. Enya ta un di e hende muhénan artista ku ta bende mas tantu den historia, i tabata un di e artistanan hende muhé ku a bende mas tantu na añanan 2001 i 2002. E la wòrdu pone na di 12 lugá den rango di e hende muhénan artista ku a bende mas tantu na mundu den 2006.

Enya a nase na Gweedore, County Donegal, na Irlanda na 1961 den un famia musikal. E ta e di kuater yu mas yòn den nan nuebe rumannan. Su tata - i mama grandi tabata toka den un banda rònt Irlanda, su tata tabata lider di un banda ku yama Slieve Foy Band, i su mama tabata toka den un banda di baile i despues tabata duna lès di muzik na e skol yamá Gweedore Comprehensive School. Enya tin kuater ruman hòmber i kuater ruman muhé, diferente di nan tabata forma parti di e banda ku yama An Clann As Dobhair na anja 1968. Nan a kambia e nòmber di e banda pa Clannad despues den añanan 1970.

Na anja 1980, Enya a djòin Clannad, e banda tabata konsisti di su ohochinan ku yama Máire (Moya), Pól i Ciarán I su tionan ohochi ku yama Noel i Padraig Duggan. Eithne tabata toka keyboard i tabata kanta komo di dos stèm etcetera riba nan álbùmnan Crann Úll (1980) i Fuaim (1982). Na anja 1982, djis despues prome ku Clannad a bira famoso pa “Theme From Harry’s Game”, e produktor i mènedjer Nicky Ryan a bandoná e grupo i Enya a djòin e pa start un karera komo kantante solo.

Skibidó di artíkulo:Andymaster