Meteorolojiya

From Wikipedia

La meteorolojiya (del griego μετεωρολογία) es la sensia ke trata de la estado del tiempo i de los meteoros en la atmósfera terrestre.

Inkluye el estudio de las variasiones diarias de las kondisiones atmosférikas (Meteorolojiya Sinóptika), el estudio de las propiedades eléktrikas, óptikas i otros de la atmósfera (Meteorolojiya Físika), la variasión de los elementos meteorolójikos serka de la tierra en un área pekeña (Mikrometeorolojiya) i otros mukhos fenómenos. El estudio de las kapas más altas de la atmósfera (superiores a los 20 km o 25 km) akostumbra a implikar el uso de téknikas i disiplinas espesiales, i resibe el nombre de Aeronomía. El término Aerolojiya se aplika al estudio de las kondisiones atmosférikas a kualkier altura.

Hay ke distinguir entre las kondisiones aktuales i su evolusión llamado tiempo atmosfériko i las kondisiones medias durante un largo periodo ke se konose komo klima del lugar o rejión.

[editar] Importansia de la meteorolojiya

Por estudio de los fenómenos ke okurren en la atmósfera la meteorolojiya trata de definir el klima, predesir el tiempo, komprender la interaksión de la atmósfera kon otros subsistemas, ets.

El konosimiento de las variasiones klimátikas ha sido siempre de suma importansia para el desarrollo de la agrikultura, la navegasión, las operasiones militares i la vida en jeneral.

Por esto desde la más remota antikita se tiene konstansia de la observasión de los trokos en el klima, asosiando el movimiento de los astros kon las estasiones del año i kon los fenómenos atmosférikos. Los antikos ejipsios asosiaban los siklos de kresida del Nilo kon los movimientos de las estreyas eksplikados por los movimientos de los mitolojikos dioses ejiptos. Los babilonios predesean el tiempo giándose por el aspekto del sielo.

[editar] Fenómenos atmosférikos

Los fenómenos atmosférikos o meteoros se pueden klasifikar en:

Aéreos, komo el viento.
Akuosos, komo la luvya, la nieve i el granizo
Luminosos, komo la aurora boreal o el arko iris
eléktrikos, komo el rayo.

La presión, la temperatura i la umedad son los faktores klimátikos fundamentales en el estudio del klima i en la prediksión del tiempo. La temperatura, sometida a numerosas osilasiones, se halla kondisionada, entre otros múltiples faktores, por la latitud i por la altura sobre el nivel del mar.