Толубай сынчы

Wikipedia дан

Заман кандай кары, кандай керең,
Закымдап учкан сайын түбү терең...
Ошондой унутулган бир күндөрдө,-
Кыргыздан Толубай сынчы өткөн экен.
Алыкул Осмонов.

Т.с. эл оозунда Жаныбек хандын тушунда жашап өткөн тарыхый адам катары айтылган учурлар да бар. Бир уламыш боюнча Т.с-нын сынчылыгын уккан Жаныбек хан аны чакыртып, өз жылкысынан тулпар таап бер деп кыйнайт. Т.с. хандын тулпар аттыкан аттарынан бирден айып таап, кырк жеринде жоору бар, мүдүрүлүп баса албаган бир чаар атты тулпар деп көрсөтөт. Хандын буга ачуусу келип, Т.с-нын эки көзүн ойдуруп салат. Сынчынын айтканы туура келип чаар ат чынында эле тулпар болуп чыгат.
Кыргыздар Т.с. аркылуу эл ичинен чыккан акылман, баамчыл, кыраакы адамдардын типтештирилген элесин сактап келишкен.

Журт мазар,
Журттан чыккан азар.
Чаң созулат тамандан,
Жакшылык келбейт жамандан.
Эркелеткин жетимди,
Какпа, сокпо жесирди.
Ырыс алды ынтымак,
Ынтымак барга ырыс токтойт,
Ынтымаксыздан ырыс качат.
Жакшы болуучу жигиттер,
Алсыздарга карашат.
Жаман болуучу жигиттер,
Тууган менен касташат.
Өткөн өмүр – аккан суу,
Учкан куш, кайрылып келбейт.
Жаман күн жакшы болот,
Кудай урган бакшы болот.
Калган көңүл– чыккан жан менен бирдей.
Чымчып жесе курсакка пайда,
Чырым этсе көзгө пайда.
Кең пейилдүү кейибейт,
Тар пейилдүү жарыбайт.