Třěcha
Z Wikipedije
Třěcha (prasłowjansce *strěcha) je hornje wotmjezowanje, kotrež škita twarjenje před wliwami wobswěta kaž su to na př. spadki (dešć, sněh, krupy), dopromjenjowanje słónca, próch a wětr.
Hłownje rozeznawa so mjez płonymi a nahłymi resp. ćopłymi a zymnymi třěchami.
[wobdźěłać] Forma třěchi
Třěchi móžeja so tež po swojej formje klasifikować. Konkretnu formu postajeja kózły. Někotre formy třěchow su:
[wobdźěłać] Kryće třěchi
Zo by třěcha swoju funkciju wukonjeć móhła, dyrbi so zakryć. K tomu móžeja so wšelake materialije wužiwać:
- třěšne cyhele
- třěšne kamjenje (z betona)
- přirodne kamjenje (na př. šćěpjel)
- metal
- słoma
- drjewo
- kumštna maćizna
[wobdźěłać] Dźěle třěchi
Třěcha wobsteji we hłownym z nošaceje konstrukcije kózły a kryća třěchi.
Skap je delnja, padoruna hrana třěšneje płoniny. Zwjetša připrawi so tu lijawa.
Hornja, najwyša wodoruna hrana je ponošk.
Při swislach zwjazujetej so skap a ponošk přez ortgang (serbske słowo pytane!), kotryž twori hornju hranu (kromu) swislowych sćěnow.
Kromy, na kotrychž zetkatej so dwě třěšnej płoninje mjenuja so hrany (nic: rany!) jeli pokazuja won, a (třěšne) žłoby, pokazuja-li nutř.