Ohrid
Z Wikipedije
Ohrid (makedonsce Охрид/Ohrid, albansce Ohër/Ohri, tež Ochrid abo Achrida) je město w juhowuchodźe Makedonskeje. Leži direktnje při Ohridskim jězorje, ma 54.380 wobydlerjow (2005) a wobsedźi płoninu 358 km². W Ohridźe załoži swj. Klemens (Kliment) Ohridski, wučomnik swj. Cyrila a Metoda, klóšter swj. Panteleimona, kiž wuwi so na centrum zažneho słowjanskeho pismowstwa a bě sydło Ohridskeje uniwerzity.
Ohrid je jara wažne turistiske srjedźišćo w Makedonskej. Kóžde lěto wopytuje wyše 20.000 turistow tute rajske město při Ohridskim jězorje. W Ohridźe je jara wjele cyrkwjow, čehoždla mjenuje so makedoniski Jerusalem. Najwažniše cyrkwje su: Sw.Sofija, Sw.Naum, Sw. Jovan Kaneo, Sw. Kliment Ohridski (klóšter), atd.