User talk:Valdis

Läteq: Wikipedia

Tereq Valdis! Hää, et Sul um no uma pruukjakonto, saamiq tah kah viki asjo arotaq :) Võrok 22:26, 16 January 2006 (UTC)

Olõ perämädsel aol tennüq Põlva kihlkunna kotsilõ egasugutsit nimekirjo (mõisaq, küläq, jõõq) ja niiüteldä näidisartiklit (Joosu mõisa, Joosu, Himmakülä, Võhandu). Tei kah Põlva kihlkunna artikli kõgõ edimädse ja väega musta vers'ooni. Olnuq hää, ku saq (Sullõv) naid asjo kaenu ja naidõ (eriti naidõ ülesehitüse) kotsilõ midägi kriitilist ütelnüq. --Valdis

Mu meelest um naidõ ülesehitüs väega hää. Näütäs ollõv häste läbi mõtõld. Ku sinnäq viil ao joosul teedüst mano kirotaq ja kaardiq-pildiq mano pandaq, sis piäsiq illos asi saama. Ku mul sääl midägi parandaq um, sis edimält paistus külh, et õnnõ veidükese kiilt ja kiräviisi üle kobistaq. Viil piäsiq ka kaema, kas saasiq mõnõlõ artililõ tõisi kiili lingiq mano. Vähämbält eesti vikih um kimmähe mõni naist artikliist olõmah. --Võrok 19:10, 25 January 2006 (UTC)

Ja sis ma mõtli viil naid katõgoorijit, et või-ollaq pidänüq artiklil "xxx kihlkunna jõõq" olõma all ka katõgooria "Võromaa". A egäle kihlkunnalõ umma katõgooriat vaest olõ-i vaia, vai miä esiq arvat. --Võrok 20:00, 25 January 2006 (UTC)

Saa-iq üteldä, et maq ülesehitüse pääle pall'o mõtõlnu olõ. Tei inämvähämp tundõ perrä. Eriti keerolinõ om elolugudõgaq, sääl om noid alajaotuisi võimalik väega pall'o vällä märki ja olõ-iq sukugiq selge, määne tuu kõgõ parõmp järekõrd om. Alajaotuisi päälkiräq om kah umaette teemä. Kas iks "Mälehtüse hoitminõ" vai "Huvitavat kaemist " (=vaatamisväärsused) kõlbasõq? "Kaeq ka" suhtõh om mul kah kahtluisi. Kuivõrd võrokiil'ne tuu "ka"-sõna om? Mu meelest üteldäs inämbüste "kah". Võiollaq pass'nu päälkiräs hoobis "Kaeq viil"?

"Kaeq ka" asõmal olnu vaest tõtõstõ parõmb "Kaeq viil".

Tõisi kiili linke saa tõtõstõ mano pandaq.

Tei vahtsõ artikli "Võromaa jõõq", minka katõgoorias panni "Võromaa". Sõs vast' jõkilõ olõ-iq "Võromaa" katõgooriat vaja. Samasugutsõq artikliq pidänüq tegemä järvi, külli, mõisidõ jne. kotsilõ. Kihlkunnakatõgoorijit olõ-iq vast' tõõpoolõst vaja. Ku viil artiklit "Põlva kihlkunna jõõq" kaiaq, sõs kas sinnäq om "Kaeq ka" ala vaja linke tõisi kihlkundõ jõkilõ, ku om joba link artiklilõ "Võromaa jõõq"?

Või-ollaq tõtõstõ olõ-i. --Võrok 23:58, 26 January 2006 (UTC)

Üts asi viil. Kas setoq ommaq huvitõt miiqka kampa lüümisest? Kuna ei setosit ei võrokõisi olõ-iq kuigi pall'o, sõs võinuq taa entsüklopeediä vabalt ollaq Võro-Seto uma. Muuhulgah tähendänüq tuu tuud, et setoq pidänüq saama kirotadaq sääntseh keeleh ja kiräviisih niguq nääq tahtvaq ja päälehele pidänüq tegemäq artikliq Setomaa, seto kiil', seto kirändüs jne. -- Valdis

Ma arva, et tuud võimalust võisiq setodõlõ pakkuq, a mu meelest olnuq parõmb, ku tulõvadsõq seto artiklidõ kirotajaq inne kirotamisõga alostamist hindä vaihõl kokko lepnüq, määntseh kiräviisih ja või-ollaq ka mõnõ punktiga tuu kotsilõ, määntseh seto keeleh nä kirotama nakkasõq. Hää olnuq, ku kiäki näide hulgast ka sis peräh taa kokkoleppe perrä seto artikliid toimõndaq võtnuq. Ja sis tulõ viil tuu küsümüs, et kas ja kuq, sis kuis setokeelitsit artikliid võrokeelitsist eräle hoitaq. Kas tuu pidänü sis olõma nii, et kõik artikliq sõnaga "seto" katõgoorijih ("Setomaa", "Seto kiil" jne) piät (vai võivaq?) ollaq seto keeleh. Vai tulõvaq setokeelidseq artikliq määntsegi eräle märgiga (nt (Seo om) setokeeline artikli) ärq tähüstäq. Tuu tulnuq sis inne ärq otsustaq.--Võrok 23:58, 26 January 2006 (UTC)

Kuimuudu mallõ tetäs? Näütüses kuis tetäq malli VõromaaVald, miä olnuq sääne niguq eesti vikipeediä mall' Mall:EestiVald ? --Valdis 15:42, 7 March 2006 (UTC)

Tuu taht veidüq nuputamist. Ma ei olõq esiq kah mallõ väega tennüq. Olõ pruuvnu õnnõ tuud Babeli kiilimõistmisõ malli tetäq, miä mu arotuslehe pääl nätäq um. Tulõ kaiaq, kuis tõõsõq malliq tettü ummaq, nt riike malliq tekk meile user:Ronline. Et sis kopidaq määnegi mall kostki ja pruuviq perrä tetäq. Mallõ olnuq põhimõttõlidsõlt kunagi vaia viil tõisigi.--Võrok 10:30, 10 March 2006 (UTC)

Kopiminõ ja veitse kohendaminõ piässi lihtne olõmaq. Kõgõ segätsemp om mullõ, kuis malli tegemist alostama piät. Ku kirotadaq Mall:EestiVald vai Template:EestiVald ja klõpsata sääl pääl, sõs paistus, et puutrõ meelest naatas kirotama tavalist artiklit. Kuimuudu tälle selges tetäq, et tuu olõ-iq tavalinõ artikli? --Valdis 10:57, 10 March 2006 (UTC)

Proovõ tetäq Eesti viki maakundõ malli perrä malli Võromaa kihlkunnaq. Paistus, et tüütäs. Tuu tegemise seletüs um liivakastih.--Võrok 16:26, 10 March 2006 (UTC)

Üts vandaal' om Ortuskülä ja Vana-Koiola artikliq ärq riknu. Kuis noid vanno vers'uunõ tagasi saiaq? Sullõv, kas saat avitadaq? Vai saa maq esiq kah tuud kuigimuudu tetäq? --Valdis 09:35, 10 March 2006 (UTC)

Tulõ lihtsält kas tuu vandaali toimõnduisi vai aoluu versiuunõ võrdõlõmisõ lehe pääl vaotaq nuppi Roll back. A mullõ paistus, et tuud saa tetäq õnnõ kõrraldajaõiguisiga inemine. Ma arva, et mõistlik olnuq, ku sul tuu õigus olnuq. Sis saat vandaalitsõmisõq õkva esiq ärq parandaq. Tuu um jo väega tähtsä, esiqeränis sis, ku minno vaihõpääl peris pikält siin liikmah olõ-i. Ma sis panõ sullõ tuu õigusõ, sis saat pruuviq jo Ortuskülä artikli esiq ärq parandaq (Vana-Koiola ma tei jo kõrda).--Võrok 10:30, 10 March 2006 (UTC)

Nupp'õ om mullõ tõõpoolõst mano tulnuq, tuu Roll back kah. Agaq Ortuskülä artiklil näe maq õnnõ ütte vers'uuni. Võimalik, et mul es olõki sõs tuud artiklit hindäl kirotõt. Vet maq sõs kitota tä. --Valdis 10:58, 10 March 2006 (UTC)

[toimõndaq] Bot

Tereq Valdis! Üts superzerocool küsüs arotusõtarõh hindäle määnestki boti staatust. Uurõ tuud asja vähäkese. Tuu um sääne robot, miä pand vikidevaihõliidsi linke. Paistus, et miiq, võro viki kogokund, piät sääl arotusõtarõh sis ütlemä, kas mi olõ nõuh, et timä nakkas mi robotis. Et ku mi olõ nõuh, sis tä küsüs metawikist hindäle määntsegi õigusõ vai lipu. Saa-ai maq ka peris lõpuni taast aśast arvo, a midägi säänest um. Kai tuu cooli seenitsit toimõnduisi, paistus, et vähämbält võro vikih um tä ilosahe naid ummi linke pandnuq, v.a tuu, et täl ummaq lingiq riah keelekoodi, mitte keele nime perrä. Miä mi sis tii, kas annami tälle uma nõuholõgi vai? Vai õiõndami kah, et tä säädnü uma robodi nii, et tuu lingiq keele nime perrä pandnuq?--Võrok 15:53, 28 March 2006 (UTC)

Mud'oki olnuq hää, ku keeleq olnuq nime perrä rian. Agaq tõsõst külest ku valliq, kas nääq ommaq koodi perrä vai piät käsitsi linke pandma, sõs lihtsämp olnuq iks laskõ tuu tüü robotil ärq tetäq. Niikavva ku tuu robot tegeles õnnõ linke manopandmisõgaq, olõ-iq mul midägi tuu vasta. Ja ma usu kah, et ku meile timä tüü miildü-iq, sõs saamiq tuud üteldäq. Nii et mino peräst või lupaq külh. --Valdis 17:57, 28 March 2006 (UTC)

Sis panõmi arotusõtarrõ kirjä, et olõmi nõuh ja soovitamiq, ku võimalik, pandaq lingiq ritta kiili nimmi perrä --Võrok 09:06, 29 March 2006 (UTC)

[toimõndaq] Raamaduq

Sullõv,

• Kuis tetäq raamatidõ artiklit? Kas pandaq päälkiri jutumärke sisse vai ei? Mullõ miildünüq pandaq, et olnuq lihtsämp vahõt tetäq nt. Võromaal ja "Võromaal". Agaq paistus, et tõisih keelih jutumärke artikli päälkiräh ei pandaq, kuigi jutu seeh pandas.
• Kuis üteldäq raamatute sari võro keeleh? Kas raamatidõ joro om külält hää sõna vai om viil mõni parõmp?
• Tei aoluuliidsi maakundõ kotsilõ artikliq. Noidõ maakundõ ja kõigi Eesti kihlkundõ nimeq võisiq üle kaiaq, et kas kõlbasõq. --Valdis 08:24, 2 June 2006 (UTC)

• Ma arva, et võisiq tetäq nii nigu tõisih keelih um tett.
• Maq olõ pruuknuq raamatidõ rida, a egaq tuu mu meelest väega hää olõ-õiq. Ja mu meelest olõ-õi joro kah taa as'a jaos kuigi hää. Või-ollaq võinuq pruukiq iks sõnna sari ku lainsõnna.
• Külh naaq kõlbasõq :), a vet ma sis kae üle kah. --193.40.12.10 14:25, 3 June 2006 (UTC)

[toimõndaq] request - Voro

Hello. I have got one request for you. I need sentence "sugar in 370 languages" in Voro (I want to do a logo of my site). So, can you write me what`s called sentence "sugar in 370 languages" in Voro language? Thank you very much! Szoltys

Thank you very much! If you want see my collection of "sugar", you can enter here. If you can, please do a questionnaire "where are you from" on this site. :-) Best regards, Szoltys

P.S. If I can do something for you, please write me and I will do that.

In Voro language, the phrase "sugar in 370 languages" sounds "tsukru 370 keelen".