Schwartzi Johann Georg

Läteq: Wikipedia

Schwartzi Johann Georg (Johann Georg Schwartz) (sündü 25. piimäkuu pääväl 1793 Riian, kuuli 19. urbõkuu pääväl 1874 Põlvan, om matõt Põlva kalmuaida) oll' usu- ja haridustegeläne. Tä and' vällä uma ao kotsilõ välläpaistva säitsmejaolidsõ kooliraamatidõ joro "Koli-ramat", noist säitsmest jaost kirot' esiq kolm. Nuuq raamadoq pand' tä kirja lõunaeesti keelen, avaldamises panti nuuq põh'aeesti kiilde ümbre. Lõunaeesti keelen om ilmunu timä kirotõt lugõmisõraamat "Eesti Laste sõbber". Rahva hulgan kutsuti tedä Edimäne Varts vai Vana Varts. Peräst tedä olliq Põlvan kerkoopõtajaq timä poig Johann Georg (1868-1903) ja pujapoig Johann Christoph (1903-1933).

Schwartz kirot' üles võro keele sõnno ja saat' noid Faehlmannilõ, Kreutzwaldilõ ja Wiedemannilõ. Tä oll' Kreutzwaldi hää sõbõr, timä Põlva koton vai Põlva pargin mängeq nääq tihtipääle malõt ja arodiq ilmaasjo. Schwartzi aol 1822. aastagal saivaq Põlva kihlkunna inemiseq hindäle priinimeq. Noid võisõvaq nääq esiq vabalt valliq.

[toimõndaq] Pereh

Esä: Schwartzi Johann Bernhard, latsi var'opaiga sekretär, ildampa Riia raeherr
Imä: Schwartzi (Gericke) Christine Amalie
Naasõq:
- Schwartzi (Ditmari) Anna (kuuli 1832), laulatõt 13. piimäkuu pääväl 1817
  - Poig Voldemar, Põlva kihlkunnakohtunik
- Schwartzi (Feldmanni) Agatha (kuuli 1850), laulatõt 7. piimäkuu pääväl 1837
  - Poig Johann Georg (1838-1903), 1866 võtt' naasõs Karowi Helene

[toimõndaq] Haridus

1800-1804 Riia tuumkuul
1804-1811 Riia Ringkunna Gümnaasium
1812-1814 oppõ Tarto ülikoolin teoloogiat, lõpoeksämi tekk' 1918

[toimõndaq] Tüükotussõq

1814 kodooppaja Ruhjan, Lätin
1814-1820 kodooppaja Vändra mõisan von Ditmari Woldemari man
1820-1838 abiopõtaja Põlvan
1838-1868 kerkoopõtaja Põlvan
1840-1849 vaimolik koolirevident
1849-1952 Võromaa praavuski kotussõtäütjä

[toimõndaq] Ütiskundlik tegevüs

Oll' Opat Eesti Seldsi liigõq aastagast 1859.
1840 tekk' tä Põlvahe karskusseldsi, miä oll' edimäne umataolinõ terven Eestin ja midä kutsuti Kasinus-seldsis. Seldsin oll' päält 1000 liikmõ. Schwartz võtt' 1036-lt inemiselt sõna, et nuuq inämb viina ei juuq. Tuud sõnna ollõv murdnuq õnnõ 16 inemist.

[toimõndaq] Teossõq

"Lühhikenne öppetus öigest kirjotamissest", Tarto, 1852
"Wisika, ehk öppetus lodud asjade issewisidest ja wäggedest", Tarto, 1855
"Sündinud asjade juttustaminne", Tarto, ilmu katõn jaon, 1858 ja 1861
"Saksakeele Õpimise-raamat", Tarto, 1866
"Eesti Laste sõbber", Tarto 1873, 2. tr. 1875

[toimõndaq] Tunnustusõq

1858 kuldrist

[toimõndaq] Mälehtüse hoitminõ

1991 mälehtüskivi Põlva kerkaia takan, järve puul

Retrieved from "http://fiu-vro.wikipedia.org../../../s/c/h/Schwartzi_Johann_Georg_284f.html"

Katõgooria: Võromaa inemiseq