Yamasaki Seikô
El Vikipedio
YAMASAKI Seikô (naskiĝis 1929) estis japana honora membro de UEA.
Universitata docento pri internacia komerco kaj angla lingvo, li laboris en la internacia komerco (1952-86) kaj poste pri trejnado de oficistoj en komerco. Direktoro (estrarano) de Japana E-instituto (1987-), komitatano de UEA ( 1989-), membro de ties lingvopolitika komisiono (1996- 98). Akademiano (1992-), direktoro de la Akademia komisiono pri landaj lingvoinstitutoj (1995-). Estrarano de Internacia Komerca kaj Ekonomia Fakgrupo (1987-) kaj de Internacia Scienca Asocio E-ista (1995-); sekretario de Tutmonda E-ista Ĵurnalista Asocio (1995-). Fakdelegito pri ekonomio. Redaktoro pri lingvoj de la magazino Monato. Li aŭtoris la komparan studon La artikolo (1989) kaj Etimologia vortaro pragmata de Esperanto (1990,1991). Li ofte artikolas pri lingvaj kaj ekonomikaj temoj kaj prelegas en UK kaj aliaj E-aranĝoj.
