Val-de-Grâce
El Vikipedio
Val-de-Grâce [val de gras] (esperante « Gracia Valo ») estas franca militista malsanulejo lokita en la kvina arondismento de Parizo. Ĝi troviĝas ene de samnama eks-monaĥinejo kaj en la eks-preĝejo de tiu ĉi. Ĝi fariĝis militista malsanulejo dum la Franca revolucio de 1789.
La malsanulejo gastigas ĉiujn, kaj ne nur militistajn pacientojn. Ĝi plejofte gastigas la plej gravajn francajn oficialulojn de la Franca Respubliko, kiam ili bezonas medicinan helpon.
La preĝejo de Val-de-Grâce estis konstruita pro ordo de la reĝino Anna de Aŭstrio, edzino de Ludoviko la 13-a : post la naskiĝo de ŝia filo Ludoviko la 14-a, Anna (antaŭe sen infano post 23 edzinecaj jaroj) manifestis sian dankemon per la konstruo de tiu preĝejo. Ludoviko la 14-a si mem verŝajne pozis la unuan ŝtonon de Val-de-Grâce, dum ceremonio je la 1-a de aprilo 1645, kiam li estis 7 jarojn aĝa.
