Vadamaro
El Vikipedio
La Vadamaro, Vadomaro aŭ Vadmaro (Wattenmeer Germane, Waddenzee Nederlande, Waadsee Frise, Wattensee Platdiĉe, Vadehavet Dane) estas la nomo por interna maro kaj ĝia marborda malseka areo situante inter parto de la marbordo de nordokcidenta kontinenta Eŭropo kaj la Norda Maro.
La Vadamaro etendiĝas de Den Helder en Nederlando en la sudokcidento, trans la riverelfluejoj de Germanio al ĝia norda limo je Esbjerg en Danlando kun totala longeco de proks. 450 km, larĝeco inter 5 kaj 30 km kaj areo de proks. 10.000 km².
La limo inter la Vadamaro kaj la Norda Maro estas formata en Nederlando de la Okcident-Frisaj Insuloj, en Germanio de la Orient-Frisaj Insuloj kaj en Danlando de la Nord-Frisaj Insuloj.
La Vadamaro estas fama pro la riĉa faŭno kaj flaŭro. Hodiaŭ, granda parto de la Vadamaro estas protektata en kunlaboro de ĉiuj tri landoj.
Kategorioj: Eŭropo | Areo
