Tverjaj kareloj
El Vikipedio
Tverjaj kareloj estas grupo da kareloj, kiuj loĝas en Tverja provinco kaj en apudaj provincoj en Ruslando. Tiuj kareloj fuĝis el teritorio okcidente kaj norde de Ladoga lago, okupita de Svedio en 1617 kaj ekloĝis apud urbo Tverj. La ĉefa kialo de la fuĝo estis ortodoksa religio, kiun la svedoj provis ŝanĝi al luterana kaj la pezaj impostoj pagotaj al la Sveda krono. Rusio promesis liberigon el impostoj.
En 1926 ilia nombro estis pli ol 100.000. Laŭ popolnombrado en 1939 en Tverja (Kalinina) provinco loĝis 119 957 kareloj.
Inter 1937 kaj 1939 ekzistis aŭtonoma distrikto de Tverjaj kareloj, kies ĉefurbo estis Liĥoslavl.
Post la dua mondmilito la kareloj komencis asimiliĝi al rusoj.
Laŭ popolnombrado en 1989 en Tverja provinco loĝis 23 200 kareloj, el kiuj 54,4 % indikis la karelan kiel gepatran lingvon. En 2002 la nombro de tverjaj kareloj estis 14 600, sed neoficiale la nombro estas taksata pli alta.
