Terri Schiavo
El Vikipedio
Terri Schiavo (angle, ŝajvo) (nask. Theresa Marie Schindler la 3-an de decembro, 1963, mortis la 31-an de marto, 2005) estis severe cerbodamaĝita usona virino, kies edzo luktis jam ekde 1998 por permeso lasi morti sian edzinon. Ŝi post koratako jam dum 15 jaroj estis en komato, sed ŝi ŝajnis rideti. Ŝiaj gepatroj kredis, ke ŝi ne estas en komato, sed konscia. Ankaŭ la kuracistoj ne estis unuecaj pri tio, ĉu ŝi estas viva aŭ (cerbe) morta jam 15 jarojn.
La kaliomastrumado de la virino kolapsis februare de 1990 kaj ŝi alplankiĝis. Ŝia sangocirkulado ne funkciis dum 5 minutoj, dume ŝia cerbo danĝere damaĝiĝis. Ekde tiam ŝi ne reagis al la ekstera medio, sed ŝi palpebrumis kaj ŝajnis rideti. La juĝejo atribuis al la edzo la kuratorecon en tiu jaro.
Michael Schiavo (la edzo) komence vizitis la edzinon amike kun la gepatroj. En 1993, ricevis Terry 750 000 dolarojn kaj Michael 300 000 pro kuracista mistrakto. Post tio, Michael kaj la gepatroj de Terry interkoleriĝis.
La edzo petis unuafoje la juĝejon en 1998 por malpermesi la nenaturan plunutradon de lia edzino. Laŭ li, ŝi ekde 1990 estis en stato de cerbomorto kaj eĉ ŝi mem ne volus la pluajn suferojn.
Oni unuafoje forigis la laringan tubon en 2001, sed du tagojn poste laŭ nova juĝeja decido, ĝin relokis. Tio okazis post du jaroj en 2003, tiam - post du horoj - intervenis la guberniestro de Florido Jeb Bush.
En marto de 2005 la supera juĝejo de la Usono rifuzis peton de la gepatroj por plu vivteni la virinon.
La 18-an de marto oni ĉesigis la tubonutradon, sed du tagojn poste (20-a de marto 2005, sed pli precize iom post meznokto), usona senato akceptis leĝon por savi ŝian vivon, donante jurojn pri kuratoreco ankaŭ al la gepatroj. Kvankam la leĝon preskaŭ tuj signis prezidento BUSH kaj la gepatroj petis de la juĝejo realmeton de la tuboj, la juĝejo denove rifuzis(22-a de marto).
La 15-an de junio oni publikigis la rezulton de la aŭtopsio (petis la gepatroj), kiu pruvis ke ŝia cerbo estis parte formortinta (pezis nur ĉ. 600 gr anst. ĉ. 830) kaj ŝi estis fakte blinda.
Politike la konservativuloj, respublikanoj, kredantoj rifuzis la eŭtanazion de la virino.
