Tamarikacoj
El Vikipedio
La planta familio tamarikacoj entenas ĉ. 100 speciojn el 4 genroj, kiuj kreskas en Azio, Eŭropo, Afriko, sed la centro estas apud la Mediteraneo kaj Mez-Azio. Ilia vivtereno estas la dezertoj, stepoj, sed multaj vivas eĉ sur salaj grundoj. Ili havas malgrandajn, skvamecajn foliojn, alterne starantajn. La folioj havas dikan kutiklon kaj ofte saloglandojn. Ili havas duseksajn 4-5-nombrajn florojn.
- tamariko (Tamarix) estas genro de arbedoj kun longaj, maldikaj branĉoj, malgrandaj, skvamecaj folioj, malgrandaj, 4-5-nombraj, hipoginaj, rozkoloraj floroj en densaj panikloj aŭ malgrandaj grapoloj. Kelkaj specioj estas ĝardenaj ornamplantoj.
- (Tamarix mannifera) la manĝebla rezino de tiu specio estas la manao, menciita en la Biblio.
- (Tamarix artikulata) havas ofte gajlojn pro piko de ŝildlaŭso.
