Skolo de Notre Dame

El Vikipedio

La grupo de komponistoj, kiuj laboris ĉe aŭ apud la katedralo de Notre Dame en Parizo de ĉirkaŭ 1170 ĝis 1250, kune kun la muziko de ili produktita, estas nomataj la skolo de Notre Dame, aŭ la polifonia skolo de Notre Dame.

La solaj komponistoj, kies nomo alvenis al ni el tiu ĉi tempo estas Leonin kaj Pérotin. Ambaŭ ĉi tiujn menciis anonima angla studento, konata kiel Anonymous IV, kiu aŭ laboris aŭ studis ĉe Notre Dame en la posta parto de la 13-a jarcento. Krom nomi la du komponistojn "la plej bonaj komponistoj de organumo", kaj klarigi, ke ili kompilis la libregon de organumo konatan kiel la Magnus Liber, li provizas kelkajn ekscitajn informojn pri la muziko kaj la principoj uzataj en ĝia komponado. Pérotin estas la unua komponisto de organumo kvarobla — kvarvoĉa polifonio — almenaŭ la unua komponisto, kies muziko transvivis, ĉar plenaj transvivoj de ennotigita muziko el tiu ĉi tempo estas neunuecaj, en la plej bonaj okazoj.

Leonin, Pérotin kaj la aliaj anonimaj komponistoj, kies muziko transvivis, estas reprezentantoj de la epoko de eŭropa muzikhistorio konata kiel la ars antiqua. La moteto estis unue disvolvita dum tiu ĉi periodo el la klozulo, kiu estas unu el la plej ofte renkontataj specoj de komponaĵo en la Magnus Liber.

Kvankam muziko kun notacio transvivis, en abunda kvanto, la interpretado de tiu ĉi muziko, aparte rilate ritmon, restas disputata. Tri muzikteoriistoj priskribas la tiaman praktikon: Johannes de Garlandia, Franco de Kolonjo, kaj Anonymous IV; tamen ili ĉiuj skribis pli ol du generaciojn post kiam la muziko estis verkita, kaj eble ili trudis la siatempan praktikon, kiu tiam rapide evoluadis, al muziko kiu naskiĝis malsame. En multa muziko de la skolo de Notre Dame la malsupraj voĉoj kantas longajn notdaŭrojn dum la supra voĉo aŭ supraj voĉoj kantas treege ornamitajn liniojn, kiuj ofte uzas ripetajn ŝablonojn el longaj kaj mallongaj notoj konataj kiel la "ritmaj modaloj".

Nuntempaj komponistoj kiel Steve Reich kaj Arvo PÄRT asertas, ke ili estas influitaj de la muziko de la skolo de Notre Dame.

[redaktu] Fontoj kaj plia legado

• Richard H. HOPPIN, Medieval Music (Mezepoka muziko). Novjorko, W.W. Norton & Co., 1978. (ISBN 0393090906)
• Harold GLEASON kaj Warren BECKER, Music in the Middle Ages and Renaissance (Music Literature Outlines Series I) (Muziko en la mezepoko kaj renesanco). Bloomington, Indiana. Frangipani Press, 1986. (ISBN 089917034X)
• Artikoloj "Notre Dame School", "Organum", "Leonin", "Pérotin", The New Grove Dictionary of Music and Musicians, red. Stanley SADIE. 20 vol. Londono, Macmillan Publishers Ltd., 1980. (ISBN 1561591742)