Santiago (Kabo-Verdo)
El Vikipedio
Santiago estas la plej granda kaboverda insulo en la Atlantiko.
[redaktu] Komerco kaj turismo
Ĉefaj ekonomiaj branĉoj estas la agrokulturo (maizo, sukerkano, banano, manioko kaj mango) kaj la fiŝkaptado. La insulo oferas bonegajn eblecojn promeni (naturaj rezervejoj Pico da Antónia kaj Serra Malagueta), bani (Tarrafel, Praia Baixo, São Francisco) kaj viziti kultur-historiajn vidindaĵojn (Cidade Velha, Praia).
[redaktu] Geografio
Santiago apartenas al la suda insulgrupo Ilhas de Sotavento (portugale: "Insuloj sub la vento"). Sur la plej grand-area (991 km²) kaj loĝantara (230.000 loĝ.) de kaboverda insulo situas la ĉefurbo Praia (105.000 loĝ.).
La insulo estas vulkandevena kun altmontaraj reliefoj, larĝaj U-valoj, altaĵoj kaj restmontoj. La plej alta pinto estas Pico da Antónia (1394 m). La montara centro de la insulo estas relative pluvoriĉa kaj igas Santiagon ekonomie plej kultivebla insulo de Kabo-Verdo, dum la pli malaltaj marbordaj regionoj estas sekaj kiel dezertoj.
Administre, la insulo estas dividita je ses distriktoj: Praia, São Domingos, Santa Cruz, Santa Catarina, Calheta de São Miguel kaj Tarrafal.
La insulo estas loĝata ekde 1460.
| Santiago - Cape Verde | |
|---|---|
| alteco: | 1,394 m (Pico d'Antónia) |
| latitudo: | 15.077 (15°4'40 N) |
| longitudo: | 25.624 (25°37'29" W) |
| longeco: | 75 km (nordo ĝis sudo) |
| larĝeco: | 35 km (okcidento ĝis oriento) |
| areo: | 991 km² |
| loĝantaro: | ĉirkaŭ 240000 |
| parto de: | kabo-verdaj insuloj |
| distriktoj: | Praia, São Domingos, Santa Catarina, Santa Cruz, São Miguel, Tarrafal |
| montoĉeno: | Serra de Malagueta (1,063 m) |
