Samsun
El Vikipedio
Samsun (greke Amisos, latine Amisus) estas urbo en norda Turkio, ĉe suda marbordo de la Nigra maro kun ĉ. 400.000 loĝantoj. Ĝi estas administra centro de la samnoma provinco.
Oni fondis la urbon en la 7-a jc. a.K. kaj ĝi estis grava greka kolonia urbo. La defendantoj de la urbo bruligis la urbon en 71, kiam taĉmentoj de Romio penetris la urbon.
La nuna nomo de la urbo venas de la selĝukoj, kiuj okupis la urbon en la 12-a jc.. Dum ilia regado, Samsun estis pli grava komerca kaj trafika centre ol Sinope. La urbon okupis fine de la 14-a jc. la turkoj (Bajazido la 1-a), poste Timur Lenk, kiu redonis al la Ĝandar-dinastio en 1402. La Ĝenovanoj bruligis la urbon en 1425, poste la urbon okupis turkoj.
Mustafa Kemal Atatürk surbordiĝis tie la 19-an de majo 1919 por organizi la nacian kontraŭstaron. Tio signis la komencon de la truka sendependa milito, kiu kulminis en fondo de la Turka Respubliko en 1923.
[redaktu] Ekonomio
La ĉirkaŭo de Samsun gravas pro la tabakkultivado. La haveno de Samsun estas la plej granda havenurbo de Turkio en la Nigra maro.
Samsun estas la finstacio de tiu fervojo, kiu liveras ferercon el Divrini. La urbo havas flugkontaktojn al Istanbulo kaj Ankara, vojkontaktojn al Ankara kaj Sivas.
[redaktu] Kulturo
Oni fondis en 1975 la Universitaton Deknaŭa de Majo.
