Sajó
El Vikipedio
Hungario > Geografio de Hungario
Slovakio > Geografio de Slovakio > Listo de Slovakaj riveroj
Sajó [ŝajo:] (slovake: Slaná) estas la plej granda rivero de orienta Slovakio kaj nordorienta Hungario, alfluanto de Tiso.
Ĝi fontas en Slovakio, en la Malsupra Tatro, proksime de Dobšina. La slovaka parto longas 110 km, grava urbo apud ĝi estas Rožňava. La rivero trapasas la limon ĉe Sajópüspöki. La hungara parto longas 125 km, kun gravaj apudaj urboj kiel Kazincbarcika kaj Miskolc. Ĝi alfluas la Tison ĉe Tiszaújváros.
Alfluantoj de la Sajó estas riveroj Rima, Bódva, Hernád kaj Takta kaj rojoj Hangony, Bán, Szuha kaj Szinva. La akvokolekta areo estas 5545 km2.
Ĝi estis tre poluita dum la socialisma epoko pro la apudaj malpezindustriaj fabrikoj.