Ruĝgorĝa kolimbo
El Vikipedio
Ruĝgorĝa kolimbo (Gavia stellata) estas birdo el la gaviedoj, vivanta somere en Norda Eŭropo.
La birdo grandas 53-61 cm, ĝi estas pli malgranda ol la granda kolimbo. Ĝi estas facile ekkonebla pri la milde suprenkliniĝanta beko (la beko de la arkta kaj granda kolimbo estas rekta). En ĝia nuptovesto, la kapo estas griza, la gorĝa makulo estas ruĝa (tio vidiĝas defore kiel nigra); la dorso estas sendesegnaĵa, brungriza. La vintra plumaro estas pli hela, ol tiu de la arkta kolimbo, la dorso estas blanke makulita, ventro estas blanka. Ĝia kapo estas duflanke, ĝis la frunto blanka.
Vintre ĝi ofte grupiĝas ĉe la marbordaj akvoj. Tiam ĝi aspektas pli blanka ol la pliaj kolimbospecioj.
Ĝia voĉo estas pli alta „kra-ŭ” ol tiu de arkta kolimbo aŭ plendanta veado.
Vintre ĝi vivas ĉe la marbordaj akvoj, somere ĝi nestas en la nordaj kovejoj ĉe profundaj lagetoj, golfoj. Ĝi tramigras ankaŭ Hungarion, malofte travintrumas tie.
Ĝi estas pli malofta ol la arkta kolimbo.
 |
 |
 |
