Rajendra Keshavlal Shah
El Vikipedio
Rajendra Keshavlal SHAH [raĝendra keŝavlal ŝah] (n. la 28-an de januaro 1913, Kapadvanaj, Guĝarato, Barato) estas lirika poeto en la guĝarata lingvo. Li verkis pli ol 20 arojn de poezio kaj kantoj, ĉefe pri temoj de la beleco de la naturo, kaj pri la ĉiutaga vivo de indiĝenaj popoloj kaj marbordaj komunumoj. En liaj poemoj kaj kantoj en la sanskritaj metroj, li estis ege influita de la poezio de Rabindranath Tagore.
Inter diversaj profesioj, Shah ankaŭ estis printisto en Mumbajo, kie li lanĉis la beletran revuon Kavilok. Lia printejo mem iĝis grava sidejo ĉiudimanĉa por guĝarataj poetoj.
Krom la poezio, Shah ankaŭ tradukis en la guĝaratan la poemaron Balaaka de Tagore; la Gita Govinda de la sanskrita poeto Jayadeva; la Rime of the Ancient Mariner de la angla poeto S. T. Coleridge; kaj la La Dian Komedion de Danto.
Shah gajnis la plej prestiĝan belartan premion de la barata registaro, la premion Gjanpith, por la jaro 2001. La juĝintoj diris, ke "lia intenseco de emocio kaj la novenkondukaĵo de la formo kaj la esprimo elstarigas lin kiel poeton de granda signifo. La mistika tono de lia poezio venas de la tradicio de grandaj mezepokaj majstroj kiel Kabir, Narasimha Mehta kaj literaturaj gigantoj kiel ili."
[redaktu] Eksteraj ligoj
- http://www.hinduonnet.com/fline/fl2016/stories/20030815000807900.htm anglalingva superrigardo de la vivo kaj verkaro de Shah
- http://www.hinduonnet.com/2003/07/18/stories/2003071803681200.htm novaĵraporto kiu listas plimulton de liaj verkoj
- http://www.outlookindia.com/full.asp?fodname=20030725&fname=jnanpith&sid=1&pn=1 anglalingva intervjuo kun Shah