Preĝejo de Sankta Jozefo
El Vikipedio
Geografio > Eŭropo > Ĉeĥio > Prago >
[redaktu] Malgranda Kvartalo
Preĝejo de Sankta Jozefo (kostel Sv. Josefa) apartenis al la iama Karmelana monaĥinejo. Konstruita en la jaroj 1686-1692; ĝia masiva, impone konceptita frontmuro estas ornamita per skulptaĵoj de M. Jäckl el la jaro 1691. La aliĝintaj barok-stilaj konstruaĵoj de la estinta monaĥinejo devenas el la 17-a jarcento; nuntempe oni adaptis ilin al la bezonoj de la Ministerio de financoj. Al la monaĥinejo apartenis granda ĝardeno, fondita en la dua duono de la 17-a jarcento (hodiaŭ "Vojanovy sady"). La enirejo troviĝas en la strato "U lužického semináře" kontraŭ la domo n-ro 110/40. Tiu ĉi parko estas unu el la plej belaj en la Malgranda urbo. Sur ĝia loko staris siatempe palaco de la episkopoj de Prago; dum la konstruo de la nova minister-iejo en la jaro 1928 oni malkovris ĝiajn malfruromanikajn postrestojn, kiuj estas konservitaj en la kelaro de la nov-konstruaĵo. Unu restaĵo de tiu granda, unue romanika, poste gotika komplekso, estas turo en la korto de la domo en la strato "Mostecká ulice".
[redaktu] Nova Urbo
Preĝejo de Sankta Jozefo (kostel sv. Josefa). La preĝejo kaj monaĥejo starigitaj en 1630; la preĝejo estas simpla ba-roka konstruaĵo el la jaroj 1636-1653. La monaĥejo servis pli poste kiel soldatkazerno; ĝi estis detruita meze de la 19-a jarcento kaj surloke estiĝis la hodiaŭa pseŭdoromanika konstruaĵo. En la jaro 1834 militservis tie ĉi la fama ĉeĥa verkisto kaj dramisto Josef Kajetán Tyl kaj verkis tie la tekston de la kanto "Kde domov můj" (Kie mia hejm'), kiu nun estas ĉeĥa ŝtata himno.
