Prachatice
El Vikipedio
Koordinatoj: 49° 01' N, 14° 00' E Mapo
Prachatice (legu Praĥatice) estas urbo situanta en Bohemio. Prachatice apartenas al plej bone konservitaj urbaj kompleksoj en Ĉeĥio - la historia kerno konserviĝis sian renesancan aspekton interne de ringo ĉirkaŭgita ĝis nun per urbaj remparoj.
Jam komence de frua mezepoko la teritorio de pli malfrua Ĉeĥa Reĝlando situis en vojkruciĝo de eŭropa enlanda komerco: de sudo al nordo kondukis tra moraviaj valoj pramalnova "sukcena pado", de okcidento al oriento vojaĝis tra landoj karavanoj de komercistoj en orientajn regionojn.
Krom tiuj ĉi ĉefaj vojoj de la komerco Bohemion kunigis kun najbaraj landoj vico da padoj, evidente tre malnovaj. Unu el la plej signifaj estis pli malfrue nomata "Ora pado", kuniganta Bohemion kun Bavario, kiu trahakis praarbaron en montaro Šumava. Precipe en mezepoko la pado akiris neordinaran signifon dank' al komerco kun bavaria salo, transportataj per muloj el episkopa Pasovo ĝis Prachatice.
En la tempo de la komenciĝanta komerco en la pado kaj en konekso kun kolonigado de ŝumavaj arbaroj verŝajne ekzistis vilaĝo (nun Malnova Prachatice), kiun en la dua duono de la 12-a jarcento donacis reĝo Vratislav la 2-a la kapitulo vyŝehrada. Apuda vilaĝo - sur loko de pli malfrua urbo - estiĝis verŝajne en duono de la 13-a jarcento en kaldronvalo, kiu estas ĉirkaŭigita de kvin montetoj kaj iom post iom ĝi fariĝis loka centrejo. Prospero de la nova urbo estis sekurigita, kiam vyŝehrada proboŝto Johano luigis en la jaro 1323 al prachaticanoj doganon sur "Ora pado" kontraŭ proksimume 4,5 kg da arĝento kaj kiam la urbo akiris rajton de foiro.
Same kiel ĉe aliaj, tiam fonditaj urboj, en Prachatice fariĝis centrejo de la fondo proksimume kvadrata placo, ĉirkaŭ kiu egale etendiĝis la cetera urbo.
En daŭra ekspozicio de la urba Muzeo de Prachatice dediĉata al mezepoko estas krome akompanantaj tekstoj ankaŭ kvanto da bildoj, planoj, fragmentoj de terena dokumentado de esploro kaj ankaŭ elekto de trovitaĵoj el Granda placo.
Ĉirkaŭaĵo de la urbo estas kreita de submontara altaĵaro kun domina monto Libína (1096 m.s.m.), kiu flue ŝanĝiĝas en montarzono de montaro Šumava.
| Sudbohemia regiono | |
|---|---|
| ▼ | |
| Urboj kaj vilaĝoj en distrikto Prachatice | |
| ▼ | |
| Babice/Babice (Prachatice) ~ Bohumilice ~ Bohunice ~ Borová Lada ~ Bošice ~ Budkov ~ Buk ~ Bušanovice ~ Čkyně ~ Drslavice ~ Dub ~ Dvory ~ Horní Vltatice ~ Hracholusky ~ Husinec ~ Chlumany ~ Chroboly ~ Chvalovice ~ Kratušín ~ Křišťanov ~ Ktiš ~ Kubova Huť ~ Kvilda ~ Laziště ~ Lčovice ~ Lenora ~ Lhenice ~ Lipovice ~ Lužice/Lužice (Prachatice) ~ Mahouš ~ Malovice ~ Mičovice ~ Nebahovy ~ Němčice ~ Netolice ~ Nicov ~ Nová Pec ~ Nové Hutě ~ Olšovice ~ Pěčnov ~ Prachatice ~ Radhostice ~ Stachy ~ Stožec ~ Strážný ~ Strunkovice nad Blanicí ~ Svatá Máří ~ Šumavské Hoštice ~ Těšovice ~ Tvrzice ~ Újezdec ~ Vacov ~ Vimperk ~ Vitějovice ~ Vlachovo Březí ~ Volary ~ Vrbice/Vrbice (Prachatice) ~ Záblatí/Záblatí (Prachatice) ~ Zábrdí ~ Zálezly ~ Zbytiny ~ Zdíkov ~ Žárovná ~ Želnava ~ Žernovice | |
| ▲ | |
| Distriktoj de Ĉeĥio | |
| ▲ | |
| Regionoj de Ĉeĥio | |
