Per Ahlberg

El Vikipedio

EdE-A > Per AHLBERG

Per Ahlberg [alberg] (naskiĝis la 21-an de novembro 1864 Vestergoetland) estis unu el la unuaj svedaj esperantistoj, agema propagandisto ĝis la Ido-skismo. De 1908 li propagandis Ido-n, de 1928 Novial-on.

En 1897 li aperigis en Stokholmo la unuan lernolibron de Esperanta stenografio laŭ la principoj de D-ro Julius Brauns esperantigita per helpo de V. Brauns el Halmstad.

En aprilo 1898 fondiĝis Klubo Esperantista en Stokholmo, kies sekretario estis P. Ahlberg ĝis la Ido-skismo en 1909.

En 1904 lia artikolo pri Esperanto varbis 19-jaran gimnazianon Carl Emil Ohlsson, kiu poste fariĝis grava sveda esperantisto.

En 1908 Ahlberg eldonis unuan version de Sveda Jarlibro , kiu enhavas ĉ. 1200 nomojn.

Printempe 1909 la Ido-skismo diskrevigis la organizon, Ahlberg fariĝis fanatika malamiko de Esperanto, same la gazeto, kiun li redaktis.

Ekde 1928 Ahlberg propagandis la lingvosistemon Novial, individue kreitan de prof. Otto Jespersen, kiu laŭ novialistoj ne havas la „kaosajn“ elementojn de Esperanto.

[redaktu] Verkoj

• Esperanto: frågan om ett internationelt hjälpspråk och dess lösning (Stockholm: Esperantoförening, [1903]. - 55 p.)
• Esperanto-svensk ordbok (Stockholm, Esperantoförening, [1905]. - 162 p.)
• Sveda jarlibro Esperantista(Stockholm: Sveda Esperantista Societo, 1908)
• Internationell-svensk ordbok (Stockholm: Världsspraksförening, [1910]. - XVI, 193 p.)
• Handbok i världs-hjälpspråket Ido (innehållande grammatik, kort internationell-svensk ordbok, svensk-internationell ordbok, Stockholm: Nordiska Förl., [1913]. - 269 p.)
• Exkurseto en la historio di la mondolinguo (Uppsala, Lüsslingen, 1915. - 16 p.)
• VAK: Mondo-uniono por mondo-savado e mondo-servado (Stockholm, adresaro, Ido, 1920)
• Esperanto utan lärare (Stockholm, Esperantoförening, 1928)

[redaktu] Tradukoj

• Rakonteti (kolektita e tradukita da P. Ahlberg. - Uppsala, Lüsslingen: Appelberg, Ido-Ed., [1913]. - 31 p.)
• Rudolf Kjellén: La testamento di Petro la Granda (histoiral-politikala studio, trad. da P. Ahlberg. - Uppsala, Lüsslingen, Appelberg, Ido-Ed., [1914]. - 51 p.)
• Mozaiko (fabli e rakonti, kolektita da P. Ahlberg. - Uppsala, Lüsslingen: Appelberg ; Ido-Ed., [1914]. - 31 p.)
• Kelka vorti pri la sporto, lua skopo e moyeni (da Svenska Gymnastik- och Idrottsföreningarnas Riksförbund. Trad. da P. Ahlberg. - Stockholm: Svenska Ido-Förbundet, 1917. - 17 p.)
• August Strindberg: La rakonto pri Santa Gotthard (Trad. ad Ido da P. Ahlberg. - Stockholm: Beckman, 1917. - 7 p.)
• C. W. von Sydow: Pri folkloro (Trad. da P. Ahlberg. - Stockholm: Svenska Ido-Förbundet, 1917. - 21 p.)