Pécs
El Vikipedio
Loĝantaro: ĉ. 170 000
Situo: 46° 05' N, 18° 14' E Mapo
Horzono: GMT+1h (+2h de aprilo ĝis oktobro)
Pécs [pe:ĉ] estas urbo en suda Hungario en provinco Baranya, proksime de la kroata limo. Tie oni produktas tekstilaĵojn, meblojn, ceramikaĵojn, vinon. Ĝi havas jenajn nomojn en aliaj lingvoj:
- germane Fünfkirchen [fünfkirĥ-n] = kvin preĝejoj
- slovake Päťkostolie [petkostolje] = kvin preĝejoj
- turke Peçuy [peĉuj] (komparu: beş [beŝ] en la turka lingvo signifas kvin)
En la antikvo Pécs estis kelta vilaĝo. Sub la romia imperiestro Hadriano fariĝis urbo, nomata de tiu tempo (tra tuta periodo) Sopianae, ĉefurbo de la provinco Malsupra Panonio. Dum la Mezepoko la urbo perdis sian antikvan nomon Sopianae ĉar oni eknomis ĝin Quinque Ecclesiae [KŬINkŭe ekKLEzje], t.e. la kvin preĝejoj. De tio devenas la germana kaj slovaka nomoj. En la jaro 1009 reĝo Stefano la Sankta, la unua reĝo de Hungario igis la urbon episkopa rezidejo.
La urbon regis la turkoj de 1543 ĝis 1686.
La hungara registaro decidis en 2005, ke en 2010 Pécs iĝu la Eŭropa Kultura Ĉefurbo.
[redaktu] Esperanto
Antaŭ la dua mondmilito Ilonka Fiedler estis la plej persista propagandisto de Esperanto en Pécs.
Adalberto Huleŝ, renoma esperantisto kaj verkisto (kun verkaro Esperanta kaj hungara), vivis en la urbo de 1964 ĝis 1979. Li gvidis tie diversnivelajn kursojn de Esperanto; en la jaroj 1968-1969 li instruis Esperanton en la tiutempa pedagogia altlernejo de urbo Pécs.
En la urbo okazis la 22-a Internacia Junulara Kongreso en 1966. Ekde tiam Pécs havas Esperanto-parkon.
 Esperanto-parko |
 Esperanto-parko: Zamenhof-memorejo |
