Ohře
El Vikipedio
Geografio > Eŭropo > Ĉeĥio > Ercmontaro > Ohře < Turismo
Ohře, rivero en la okcidenta Bohemio, demaldekstra alfluo de Elbo, longa 300 km.
Diri "Ercmontaro kaj ne paroli samtempe pri la rivero Ohře (germane Eger)oni nur malfacile povas, ĉar jam de pratempo ili ambaŭ apartenas unu al la alia.
La rivero Ohře forkondukas akvon de la tuta ĉeĥa parto de Ercmontaro. Ĝi fluas tra la valo, kiu disigas Ercmontaron de Doupov-Montaro, kies montoj estas ankaŭ sufiĉe altaj, nome ĉirkaŭ 700 ĝis 900 metrojn, sed kelkaj estas eĉ pli altaj.
La rivero Ohře fontas en Bavarujo -- alfluas preter la ĉeĥa urboj Cheb kaj Sokolov kaj ĉirkaŭfluas historian urbeton kaj burgon Loket, kie ĝia river-meandro havas formon de "kubuto" (ĉeĥe: loket, germane: Ellbogen, latine: cubitum). La river-fluo faras ĉi tie vere akran angulon. Post la rivero Ohře pasas la Svatos-rokaro.
Entute estas Ohře longa 302 km, en nia ĉeĥa teritorio 256 km. Amplekso de la teritorio, el kiu ĝi forkondukas akvon, faras 6631 kvadratajn kilometrojn.
La rivero rapidas pluen al Karlovy Vary, tuŝas urbon Ostrov, trairas pitoreskan valon sub Roko de Šemnice, trafluas banlokon Kyselka, vilaĝon Radošov, direktiĝas al urbo Kadaň, kaj apud la konata urbo Terezín ĝi enfluas en la ĉefan riveron de Ĉeĥa respubliko - en Labe (esperante: Elbo).
Laŭ la rivero Ohře jam en pratempo gvidis natura komerca vojo el okcidentaj teritorioj al centro de Ĉeĥio ... al Kadaň kaj al Prago. La vojon gardis vico da burgoj - ekzemple Cheb, Loket kaj multaj aliaj, kiuj hodiaŭ estas jam ruinaĵoj. Tra la valo akompanas la riveron ankaŭ nun ŝoseo kaj fervojo (de Cheb tra Karlovy Vary al Chomutov).
La malnova landa komerca vojo, nomata ankaŭ "reĝa", havis grandan signifon. Jam en la malnovaj dokumentoj (datitaj de la jaro 1226) oni povas legi ekzemple, ke ĉe civito Radošov estis travadejo, en la loko, kie la rivero Ohře disvastiĝas. Ĝi estis nomata "travadejo de Radovan." Jam dum regado de fama ĉeĥa reĝo Karolo la IV-a estis tie konstruita ponto - oni povas legi, ke tio estis jam en la jaro 1364. Ĉar la ponto estis ligna, ĝi kelkfoje forbrulis aŭ estis detruita dum inundoj. Ankaŭ en la jaro 1986 denove la ligna ponto forbrulis - ĝi estis farita en la 18-a jarcento, estis 66 m longa, 10 m larĝa, ŝindokovrita kaj staris sur tri kolonoj el granitaj ŝtonblokoj. Poste tie estis nur provizora ponteto kaj restaĵoj de la kolonoj estis kovritaj. Oni preparis rekonstruon de tiu elstara teknika laboraĵo de estinteco. Rekonstruado komencis somere en la jaro 2001.
En la civito Radošov oni povas vidi ankaŭ preĝejon, kiu estis devene gotika, sed en la 18-a kaj 19-a jarcentoj ĝi estis barokstile rekonstruita.
