Nigra cervo
El Vikipedio
 |
Ĉi tiu artikolo bezonas poluradon, ĉar ĝi montras stilajn aŭ/kaj gramatikajn aŭ/kaj strukturajn problemojn, kiuj ne konformas al bona kvalitnivelo. La priskribo de la problemo troviĝas ĉi tie. |
La nigra cervo aŭ nigra muntjako (munĝako) (Muntiacus crinifrons) el la ordo de parhufuloj kaj familio de cervedoj vivas en Ĝeĝjang-provinco de Ĉinio. Laŭ la historiaj notoj, ĝi iam vivis ankaŭ en la aliaj provincoj Gŭangdong kaj Junnan. Ĝi estas speco de malgranda cervo, kiu longas 120 cm., altas 50-60 cm., kun vosto 20 cm. longa kaj kornoj 6,5 cm. longaj. Ĝiaj haroj prezentiĝas brunnigraj, sed tiuj ĉe la kolo kaj la antaŭaj ŝultroj estas malhelbrunaj. Ĝia frunto surhavas tufon da longaj haroj. Ĝia vosto estas pli longa ol tiuj de la aliaj cervoj. La notoj kaj materialoj pri la nigra cervo estas tre malmultaj. En la tuta mondo oni trovis gin nur en Ĉinio, tial ĝi ekzistas probable nur en Ĉinio. La notoj montras, ke en la pasinteco oni kaptis nur tri tiajn cervojn: unu en 1885, alian en 1886 kaj la trian en 1920, ĉiujn en Ningbo, Ĝeĝjang-provinco. La ĉinaj zooj neniam montris tiajn bestojn. Oni ankoraŭ ne klare scias pri iliaj dislokiĝo kaj nombro. Laŭ la trajtoj de ĝiaj korpo kaj kranio oni konstatis, ke ĝiaj vivkutimoj similas al tiuj de la aliaj cervoj. La nigra cervo estas la plej granda el la cervedoj. Ĝi similas al la harkresta cervo (Elaphodus cephalophus) kaj havas ankaŭ krestharojn. Ĉar ankaŭ la harkresta cervo troviĝas en Ĝeĝjang-provinco, oni ofte prenas ĝin por nigra cervo. Fakte inter ili ekzistas iuj diferencoj: la kornoj de la maskla nigra cervo estas pli grandaj ol tiuj de la samseksa harkresta cervo, kaj krome, ili havas po unu branĉeton. Sed la kornoj de harkresta cervo ne disbranĉiĝas. Ili estas tre malgrandaj, iam eĉ ne videblaj en krestharoj. Krome, la nigra cervo havas blankajn harojn ĉe la krurradikoj apud la hufoj, dum la harkresta cervo havas blankajn makulojn ĉe la dorsflankoj de la orelpintoj.
