Nigraĉapa silvio
El Vikipedio
Birda klaso > Silviedoj Nigraĉapa silvio
La Nigraĉapa silvio (Sylvia atricapilla) estas la plej multnombra silvio en Meza Eŭropo. Ĝi estas migranta, kaj alvenas en Eŭropo post la Frua filiskopo kaj antaŭ la Ĝardensilvio (Sylvia borin)
Ĉar ĝi malpli sovaĝas ol aliaj specioj de silvioj, tiun silvion oni povas renkonti en homaj medioj: en ĝardenoj kaj parkoj, sed nur se en ili estas altaj arboj.
Dum la sekso de la plej multaj silvioj aspektas identaj, la maskloj de la nigraĉapa silvio havas nigran ĉapon, la inoj ruĝbrunan.
Ĝia kantado estas forta kaj laŭta, komencas babilante kaj estas melodia. La melodio similas la bruon, kiun igas fingro, desegnante Z-ojn sur malseka vitraĵo. Kvankam sifiĉe simpla, tiu inspirita kaj pasia kanto estis elektita de Jean C. Roché inter la de li nomataj 12 plej belaj birdaj kantoj. Fojfoje la nigraĉapa silvio imitas aliajn birdojn, prefere la kanton de la Ĝardensilvio, sed fine de la kanto ĝi aldonas tamen kelkajn el ĝiaj glitaj "Z"-aj notoj, kiel iela subskribo!
La nigraĉapa silvio manĝas insektojn, en aŭtuno ankaŭ berojn.
N.B. Ne maldistingu la nigraĉapan silvion (Sylvia atracapilla) kun la Nigrakapa silvio (Sylvia melanocephala), kiu estas malmigranta silvio en la mediteraneaj regionoj.
