Natura lingvo
El Vikipedio
1. Natura lingvo aŭ etna lingvo estas lingvo kiu evoluis kiel parto de kulturo de iu etno, kies anoj parolas ĝin kiel gepatra lingvo. Ĝi estas la malo de konstruita lingvo, do estas lingvo kiu neniam estis racie elpensita.
2. Ofte la termino natura lingvo referas al iu ajn lingvo parolata aŭ parolebla de homoj, dum programlingvoj kaj komputilaj lingvoj estas klasifitaj kiel artefaritaj.
3. Paradokse, kelkaj planlingvoj recevis la nomon "Natura lingvo":
- Natural;
- Natura lingvo;
- Natura patrina lingvo;
- Natura universala lingvo;
Pro ĉi tiu plursenceco de la termino, multaj homoj, precipe esperantistoj, ne emas uzi ĝin en la unua senco, ĉar homoj, kiuj ne bone komprenas la plursencecon de la vorto, povus malprave pensi ke konstruita lingvo kiel Esperanto ne estas parolebla.
