Montbiciklo
El Vikipedio
Montbiciklo estas biciklo kiu estas konstruita por rajdi sur malbonaj vojoj, sur kotovojoj aŭ sur nepavimitaj vojoj; en kontrasto kun normalaj bicikloj kiuj ne estas sufiĉe fortaj por tiaj terenoj. Montbicikloj havas dikajn pneŭmojn kun nopoj por pli da adhero al la vojo. En la lastaj jaroj antaŭaj kaj malantaŭaj risortoj iĝis tre popularaj. La plejmulto de la bicikloj havas radojn de 26 coloj, sed kelkaj markoj (kiel Gary Fischer kaj Nishiki) ankaŭ vendas montbiciklojn kun 29-colaj radoj. La modernaj montbicikloj havas 24 aŭ 27 rapidŝanĝilojn. La stirilo povas esti plata aŭ kurba.