Marmaray
El Vikipedio
Marmaray estas la nomo de projekto konekti la eŭropan kaj anatolian parton de Istanbulo per subtera fervoja tunelo sub la Bosporo. La nomo Marmaray (Marmora fervojo) venas el la kombinado de la nomo Marmora maro kun la turka vorto ray por fervojo.
[redaktu] La projekto
La projekto konsistas el 13,6 km-a subtera fervojo ĉe la Bosporo kaj alia 63 km-a trako kiel antaŭurba fervojo, tiel formante la grandkapacitan linion inter Gebze kaj Halkalı, longan je 76 km.
La projekto startis en 2004 kaj oni supozas finlaborojn en 2009. Kerno de la projekto estas la 1400 m-a sismorezista tunelo, konsistanta el 11 elementoj (longaj 130 m, altaj 9 m, larĝaj 15,3 m), kiuj pezas unuope 18.000 tunojn. Tiu ŝtaltunelo estos mergita je 54-56 m en la maron kaj ĉirkaŭita per pluraj sekurigaj akvorezistaj tavoloj. La unua submara muntado okazos en septembro 2006.
[redaktu] Financado
La projekton financas la bankoj Japan Bank for International Cooperation kaj Eŭropa Investa Banko. Totala kosto de la projekto estos ĉ. 2,5 mrd. da eŭroj (kun kromaj elspezoj 4 mrd.).
