Ludvík Chytil
El Vikipedio
Ludvík CHYTIL (naskiĝis la 2-an de julio 1929) estas ĉeĥa esperantisto aktivanta en la loka grupo de la urbo Přerov.
En 2004 li ricevis Medalon de J. A. Komenio de la magistrato de Přerov, kiu atribuis ĝin al li pro propagando de la urbo per Esperanto.
Samideano Ludvík Chytil esperantistiĝis jam en 1953, membro de EK Přerov. Apartenas al fondintoj de la klubo kaj multajn jarojn estis kluba prezidanto. Li senĉese estis kaj ĝis nun estas „motoro“ de la klubo. Li scias laŭdi bonan laboron, sed ankaŭ kritiki, kio al li ne plaĉas, estas egale ĉu ĉe ni aŭ eksterlande. Li partoprenis jam 12 kongresojn de UK kaj partoprenas multajn diversajn aranĝojn enlande kaj eksterlande. Li esperantigis multajn propagandajn materialojn pri Přerov kunlaborante kun urbaj institucioj – Urba magistrato, Urba muzeo.
