La Ponto
El Vikipedio
La Ponto estis organizaĵo, formiĝinta en Bern 1910, kiu celis la starigon de unu sola plano por ĉiuj kulturaj entreprenoj de la nuntempo.
Inter aliaj tezoj de sia laboro, ĝi decidis praktike utiligi Esperanton kaj publikigis en Esperanto solidan verkon (1911), temantan pri la bazaj principoj de sia estonta agado. Wilhelm Ostwald oferis al La Ponto 100.000 markojn kun kondiĉo, ke ĝi akceptu kaj uzu Idon. Ido do fariĝis la lingvo de La Ponto.
En 1913, post la ĉeso de la subvencio de Ostwald, La Ponton trafis bankrotiĝo kaj ĝia agado ankaŭ ĉesis.
[redaktu] Literaturo
- Karl W. Bührer kaj Adolf Saager: La organizado de la intelekta laboro per "La Ponto". (Die Organisierung der geistigen Arbeit durch "Die Brücke".) Ansbach: Seybold, 1911. 157 paĝoj.
- Ernest Drezen: Historio de la mondolingvo, paĝo 194.
| La unua versio de tiu ĉi artikolo estis prenita de la Enciklopedio de Esperanto (EdE en ekstera arkivo). |
