Kantono Ŝafhaŭzo
El Vikipedio
La Kantono Ŝafhaŭzo (germane Schaffhausen, france Schaffhouse, itale Sciaffusa, romanĉe Schaffusa) estas unu el la 26 administraj unuoj de Svislando, kiuj nomiĝas kantonoj. Ĝia sidejo estas la urbo Ŝafhaŭzo. Fine de 2004, en la kantono vivis 73.900 enloĝantoj. Oficiala kantona lingvo estas la germana.
[redaktu] Geografio
La kantono Ŝafhaŭzo estas la plej norda parto de Svislando. Situita norde de la rivero Rejno (nur eta parto de la urbo Stein am Rhein situas sude), la teritorio je tri flankoj estas ĉirkaŭata de Germanio, kaj havas germanian enklavon (la komunumon Büsingen am Hochrhein).
La pejzaĝo estas monteta (la alteco varias de 344 metroj super marnivelo en plej profunda valo ĝis 912 metroj sur la monto Hagen) kaj plena je arbaroj.
Turisme konata estas la rejna akvofalo proksime de la kantona ĉefurbo.
[redaktu] Politiko
Ŝafhaŭzo estas la sola kantono, kiu devigas siajn civitanojn partopreni voĉdonojn. Kiu ne plenumas tiun civitanan devon, devas pagi simbolan punon de 3 svisaj frankoj po voĉdono.
[redaktu] Ligoj
Se jam ekzistas alilingva samtema artikolo pli disvolvita, traduku kaj aldonu el ĝi.
