Jakartovice
El Vikipedio
Jakartovice estas vilaĝo en distrikto Opava situanta okcidente de urbo Opava kaj limanta kun distrikto Bruntál. En la teritorio de Jakartovice superas agrikultura kaj arbara karaktero de la pejzaĝo.
En la jaro 1974 estis aligitaj al Jakartovice vilaĝoj:
- Bohdanovice
- Deštné
- Hořejší Kunčice
Enhavo |
[redaktu] Historio
[redaktu] Jakartovice
La vilaĝo estis fondita fare de germanaj kolonigistoj, unuafoje ĝi estas menciata en la jaro 1250. En la paso de ĉeĥo-hungaraj militoj la vilaĝo en la jaro 1472 pereis, en 1540 Jakartovice estis denove enloĝigita. En la ĉirkaŭaĵo de Jakartovice estis minita ekde la 19-a jarcento ĝis 1950 ardezo. La vilaĝo estis antaŭ la dua mondmilito en la plej granda evoluo.
[redaktu] Bohdanovice
La unua mencio pri la estiĝo de vilaĝo datiĝas ĝis la unua duono de la jaro 1265. La plej valora konstruaĵo en la vilaĝo estas preĝejo de sankta Mikaelo el la jaro 1770, rekonstruita post incendio en 1845.
[redaktu] Deštné
La vilaĝo estas menciata ekde komenco de a 14-a jarcento, en 1778 ĉi tie estis malvenkitaj imperiestraj soldataroj far de prusia soldataro. La vilaĝo situis sur pado kuniganta nordan parton de Eŭropo (Pollando) kun bohemia enlando. La plej signifa art-historia memorindaĵo estas komplekso de historiaj konstruaĵoj - baroka kastelo el la 18-a jarcento, alikonstruita el eksa burgaro, kun parko, kaj gotika preĝejeto el la dua duoo de la 14-a jarcento.
[redaktu] Hořejší Kunčice
La unua mencio estas el la jaro 1403. En la vilaĝo staradis preĝejo de Ĉieliro de Virgulino Mario el 1769, sed kiu forbrulis. En 1960 estis al Hořejší Kunčice aligitaj vilaĝoj Kerhartice kaj Medlice kun vilaĝeto Moravská Harta. En Medlice estadis burgo, kiu dezertiĝis verŝajne en 1474. Vilaĝoj Kerhartice kaj Medlice pereis dum konstruado de valbaraĵo Kružberk.
Plimulto da vilaĝoj estis post la dua mondmilito denove enloĝigitaj.
