Italo Svevo
El Vikipedio
Literaturo > Itallingva literaturo > Italo SVEVO < Itala lingvo
Italo SVEVO, realnome: Ettore SCHMITZ (naskiĝis la 19-an de decembro, 1861, mortis la 13-an de septembro, 1928) estis itallingva verkisto.
Li naskiĝis en Triesto, kiel filo de juda komercisto. De 1873 ĝis 1878 li vivis en Germanio; reveninte al Triesto li fariĝis bankoficisto kaj poste entreprenisto.
Liaj unuaj du romanoj (aperintaj en 1892 kaj 1898) apenaŭ kaptis la atenton de la publiko, kaj li dum 25 jaroj nenion publikigis. Famon li tamen gajnis per sia amiko James Joyce, kiu malkovris la talenton de Svevo kaj subtenis lian karieron.
La verkaro de Italo Svevo estas influita de la naturalismo kaj de la psikoanalizo de Sigmund Freud. Krom romanojn li verkis teatraĵojn, rakontojn kaj eseojn.
Svevo mortis dum trafikakcidento en Motta di Livenza.
[redaktu] Listo de verkoj
- Una vita (romano, 1892)
- Senilità (romano, 1898)
- La coscienza di Zeno (romano, 1923)
- Una burla riuscita (rakontoj, 1928)
- Un marito (teatraĵo, eld. 1931)
- Saggi e pagine sparse (eseoj kaj fragmentoj, eld. 1949)
