István Dési Huber
El Vikipedio
István DÉSI HUBER estis hungara grafikisto kaj pentristo naskita en Nagyenyed, Hungario la 6-an de februaro 1895 kaj mortinta la 25-an de februaro 1944 en Budakeszi, Hungario. Lia familio translokiĝis en Dej. Lia patro deziris, ke ankaŭ sia filo fariĝu arĝentisto kiel li. Post la Unua mondmilito li lernis desegni en la liberskolo de pentristo Sándor Szopos en Dej. En 1921 translokiĝis en Hungarion, poste en Italion, kaj laboris kiel juvelisto. Pro tuberkulozo li ĉesis tiun metion kaj kaj komencis pli multe pentri. Li revenis plurfoje en Dej kaj ankaŭ pentris tie. En revuo Korunk li publikigis studojn pri la rilato de arto kaj socio, pri la avantgardo kaj pri siaj samtempaj artistoj.