Hrčava
El Vikipedio
Hrčava (legu Hrĉava) estas malgranda, la plej orienta vilaĝo (kun tiu ĉi "unueco ĝi "konkursas" kun najbara vilaĝo Bukovec) de Ĉeĥio. Hrčava estas laŭvorte enkojnigita inter Pollando kaj Slovakio, ĉar el centro de la vilaĝo tio estas al pola ŝtatlimo 540 m per aera linio kaj al slovaka sole 450 m! La vilaĝo havas multajn interesaĵojn, kiujn ĝi povas "proponi" al vizitantoj.
Hrčava estis unu el la plej junaj vilaĝoj de la eksa Ĉeĥoslovakio estiĝinta lunde la 28-an de oktobro de 1918. Statuton de la memstara vilaĝo ĝi ricevis nur la 6-an de oktobro de 1927, eĉ kiam ĝi estis aligita al Ĉeĥoslovakio intertempe jam en junio de 1921. Ĝis tiu tempo tio estis vilaĝo de hodiaŭ pola vilaĝo Jaworzynka.
Hrčava kun sia areo 288 ha, 36 a kaj 15 m2 kaj kun sia nombro da loĝantoj 261 (133 viroj, 128 virinoj - stato al 31-a de decembro de 2005) apartenas certe al la plej junaj kaj al la plej malgrandaj vilaĝoj de Ĉeĥio.
La longeco de limoj de Hrčava kun ĉirkaŭaj vilaĝoj estas sume 8,9 km. Najbaroj de Hrčava estas vilaĝo Bukovec (je 3,6 km), je 2,45 km poste troviĝas vilaĝo Čierné pri Čadci situanta en Slovakio kaj je 2,85 km pola vilaĝo Jaworzynka.
Enhavo |
[redaktu] Kuriozaĵoj
Hrčava estas kun sia areo sole 288 ha la plej malgranda el ĉiuj memstaraj vilaĝoj de Ĉeĥa respubliko sur limo kun Slovakio. Kaj ĝi estas ankaŭ la plej malgranda el ĉiuj memstaraj vilaĝoj sur ĉeĥa-slovaka limregiono, do ankaŭ el ĉiuj slovakaj vilaĝoj najbarantaj kun Ĉeĥio.
Hrčava estas per sia areo ankaŭ la dua plej malgranda memstara vilaĝo (post Petrovice el ĉiuj memstaraj vilaĝoj de Ĉeĥio, kiuj najbaras kun Pollando.
Ĝi estas verŝajne ankaŭ la dua plej malgranda vilaĝo el ĉiuj memstaraj vilaĝoj sur ĉeĥa-pola limregiono, do eĉ ĉiuj ĉeĥaj kaj polaj vilaĝoj.
Hrčava estas ununura vilaĝo de Ĉeĥio, kiu najbaras kun du ŝtatoj, sed samtempe sur la teritorio de Ĉeĥio ĝi najbaras sole kun ununura vilaĝo - Bukovec, kies katastro tute ĉirkaŭas ĝin.
Kuriozaĵo estas ankaŭ fakto, ke kvankam vilaĝo Hrčava estas en Ĉeĥio tute ĉirkaŭita de la katastro de vilaĝo Bukovec, en vilaĝon Bukovec kondukas el Hrčava nenia ŝoseo, sole kampa kaj arbara de tempo al tempo riparata vojo tra montarpasejo de montaro Moraviasileziaj Beskidoj. Hrĉavanoj havas tion al siaj plej proksimaj kaj unusolaj najbaroj en Ĉeĥio ĝis Bukovec proksimume 4 km per aera linio, sur la kampaj kaj la arbaraj vojoj je unu kilometro pli, sed per duspura veturilo sur la ŝoseo tra Mosty u Jablunkova, Jablunkov kaj Písek tio estas 27 km! En la praktiko ili devas sur montopiedo de monto Gírová ĉirkaŭveturi la tutan monton. Pli precize dum vido el Gírová, se vi volus observi tiun ĉi vojdirekton el Hrčava ĝis centro de Bukovec, vi devus turniĝi je 296°!
Vilaĝo Hrčava estis eble kiel unu el la lastaj (se ne la lasta) vilaĝo konektita al ŝosea reto de la respubliko. Tiel okazis nur fine de la jaro 1965! Ĝis tiu tempo kondukis en la vilaĝon nur kampaj kaj arbaraj vojoj!
Ĝis la konstruo de distrikta ŝoseo el Mosty u Jablunkova ĝis Hrčava en 1965, la ĉefa kunigkomunikilo kun la mondo estis por hrĉavanoj vilaĝo Čierné pri Čadci (Slovakio), precipe ties fervoja haltejo de la sama nomo, de kie ili povis tra Čadca (Slovakio) povis veni en regionon de Těšín. Al la haltejo malproksima proksimume 2 km kondukis el Hrčava tretita trotuareto. Estas notinde, ke kvankam al la plej proksima bontenata vojo en Čierné pri Čadci tio estis per aera linio proksimume 1750 m, per irado 2 km, en tiun ĉi slovakan vilaĝon kondukis neniam el Hrčava bontenata vojo.
Kurioza estas ankaŭ fakto, ke hrĉavaj loĝantoj proprumas kampojn (proksime ĉe la ŝtatlimo) kiel en Slovakio (en Čierné pri Čadci), tiel en Pollando (en Jaworzynka). Kaj ne nur tio - polaj civitanoj el Jaworzynka havas denove kampojn en Hrčava kaj slovakoj el Čierné pri Čadci ankaŭ.
Al kuriozaĵoj apartenas certe fakto, ke Hrčava najbaras nur kun tri vilaĝoj, el kiuj ĉiu situas sur teritorio de alia ŝtato - Bukovec en Ĉeĥio, Jaworzynka en Pollando kaj Čierné pri Čadci en Slovakio.
Dume ĝis la jaro 1965 Hrčava havis eĉ ne ŝosean kunigon kun la ĉirkaŭa mondo, hodiaŭ en Hrčava interreto ne estas fremda.
Unusola vere ebena loko en la vilaĝo estas futballudejo antaŭ gastigejo.
[redaktu] Trilimejo
Vilaĝo Hrčava estas enkojnigita inter Pollando kaj Slovakio. La komuna nenies punkto kaj samtempe de ĉies tri ŝtatoj, kie renkontiĝas limoj de Ĉeĥio, Pollando kaj Slovakio estas do ankaŭ sur teritorio de Hrčava. Ĉar tiu ĉi trilima punkto troviĝas en ravino de baseno de rojo, profunda proksimume 8 m kaj larĝa proksimume 34 m, ne eblis marki per unusola limŝtono, do tiu ĉi trilima punkto (oficiale triŝtata punkto Beskidoj) estas destinita sole geometrie. Tio estas mezo de cirklo ĉirkaŭskribita al verticoj de egallatera triangulo, kiun kreas tri triedraj piramidaj monolitoj, kies bazon kreas egaledra triangulo je longeco de la edro 70 cm. La unuopaj monolitoj estas havigitaj per ŝtatsignoj de la unuopaj ŝtatoj kaj ties nomoj. La unuopaj monolitoj poste troviĝas sur teritorio de Ĉeĥio, Pollando kaj Slovakio.
En cilindroformajn aperturojn de sokloj de la unuopaj monolitoj estis poste en cilindroformaj metalaj ujoj metitaj memorigaj dokumentoj - diversaj dokumentoj, tiamaj ĵurnaloj kaj moneroj.
[redaktu] Por vizitontoj
Se vi iros trarigardi sole la polan liman monoliton sur la pola teritorio aŭ se polo iros trarigardi la ĉeĥan liman monoliton kaj eĉ ne unu havos klopodon daŭrigi plu en la teritorion de la najbara ŝtato, vi povas fari tiel eĉ antaŭ la okuloj de limgardista polico de Ĉeĥio kaj Pollando, kiu toleros tiun ĉi transpaŝon de la limoj. Tio estas interkonsento de komandanto de limgardista polico en Písek kaj de lia similulo en Pollando.
Pluraj vizitantoj de Trilimejo sopiras viziti ĉiujn tri trilimajn ŝtatojn kaj prepari por si eksterordinaran sperton. Ili preteriros preter la ĉeĥa trilima monolito tiel, ke ili lasos ĝin sur la maldekstra flanko, superos la ravinon de la rojo, ili ĉirkaŭiros la slovakan monoliton denove tiel, ke ili lasos ĝin sur la maldekstra flanko, denove ili superos la ravinon de la rojo kaj per la sama maniero (la polan monoliton ili lasos sur la maldekstra flanko) ili revenos al la ĉeĥa monolito. Ili pasos per irado ĉirkaŭ 200 metroj kaj ili povas kuraĝe proklami, ke en la hrĉava trilimejo dum kelke da minutoj ili vizitis Ĉeĥion, Pollandon kaj Slovakion. Jam trovis eĉ tiuj, kiuj ĉirkaŭkuris la trilimajn monolitojn je tempo.
[redaktu] Vidu ankaŭ
| Moravia-Silezia Regiono | |
|---|---|
| ▼ | |
| Urboj kaj vilaĝoj en distrikto Frýdek-Místek | |
| ▼ | |
| Baška ~ Bílá ~ Bocanovice ~ Brušperk ~ Bruzovice ~ Bukovec ~ Bystřice ~ Čeladná ~ Dobrá ~ Dobratice ~ Dolní Domaslovice ~ Dolní Lomná ~ Dolní Tošanovice ~ Fryčovice ~ Frýdek-Místek ~ Frýdlant nad Ostravicí ~ Hnojník ~ Horní Bludovice ~ Horní Domaslovice ~ Horní Lomná ~ Horní Tošanovice ~ Hrádek ~ Hrčava ~ Hukvaldy ~ Jablunkov ~ Janovice ~ Kaňovice ~ Komorní Lhota ~ Košařiska ~ Kozlovice ~ Krásná ~ Krmelín ~ Kunčice pod Ondřejníkem ~ Lhotka ~ Lučina ~ Malenovice ~ Metylovice ~ Milíkov ~ Morávka ~ Mosty u Jablunkova ~ Návsí ~ Nižní Lhoty ~ Nošovice ~ Nýdek ~ Ostravice ~ Palkovice ~ Paskov ~ Pazderna ~ Písečná ~ Písek ~ Pražmo ~ Pržno ~ Pstruží ~ Raškovice ~ Ropice ~ Řeka ~ Řepiště ~ Sedliště ~ Smilovice ~ Soběšovice ~ Stará Ves nad Ondřejnicí ~ Staré Hamry ~ Staré Město ~ Staříč ~ Střítež ~ Sviadnov ~ Šenov ~ Třanovice ~ Třinec ~ Václavovice ~ Vělopolí ~ Vendryně ~ Vojkovice ~ Vratimov ~ Vyšní Lhoty ~ Žabeň ~ Žermanice | |
| ▲ | |
| Distriktoj de Ĉeĥio | |
| ▲ | |
| Regionoj de Ĉeĥio | |
