Hajdúszoboszló
El Vikipedio
Hajdúszoboszló [hajdu:soboslo:] estas urbo en Hungario, en departemento Hajdú-Bihar. La urbo situas en Transtisio, suda rando de Hajdukio, apud la Orienta ĉefkanalo, sudokcidente de Debrecen.
La komunumon mencias unuafoje skriba dokumento el 1075. Ĝi estis komence vilaĝo, poste foirloko apud la sallivera vojo de Transilvanio al Szolnok. Pli poste ĝi iĝis kampara urbo. La emzepokan komunumon detruis la tataroj (en turka soldo). Stefano Bocskay setligis tie en 1606 ĉevalistajn hajdukojn, sed turkoj denove detruis la lokon en 1660.
Ĝi estis tipe agrikultura urbo ĝis la mezo de la 20-a jc., kiam oni trovis en la urborando riĉan tergaskampon kaj tiel la urbo iĝis unu centro de la tergasekspluato kaj servado en la Granda Hungara Ebenaĵo.
La urbo iĝis fama en Hungario pro la kuracakvo kaj banejoj. Oni trovis la unuan kuracakvon (73 °C) en 1925 (26-an de oktobro) dum tergasesploro. La kuracakvo entenas kuirsalon, jodon, bromon kaj radonon. La banejo daŭre pligrandiĝis ekde 1927 kaj oni deklaris ĝin en 1946 al kuracbanejo. jare vizitas la lokon pli ol unu milionoj da turistoj.
vidindaĵoj:
- Muzeo Stefano Bocskai
- Internacia Moderna Muzeo
- Potista muzeo
