Glacoviŝilo
El Vikipedio
Glacoviŝilo estas aparato por purigi la antaŭan aŭ postan glacon de veturilo kiel ekz. ĉe aŭtomobilo, aviadiloj, ŝipoj aŭ ĉe relveturiloj. Ĝi konsistas el elektromotoro, kiu movas la viŝ-krurojn. Ekzistas ankaŭ pneŭe movitaj viŝiloj.
Ĉe fortaj malpuraĵoj oni povas uzi glacolavilon por alŝpruci lavaĵon sur la glacon.
La plej modernaj glacoviŝiloj estas pluvosensaj.
[redaktu] Historio
La usona Mary Anderson patentigis ĝin en novembro de 1903, komence ĝi estis permane movita. En 1929 oni ellaboris elektran version por barono Rothschild, kiu uzis ĝin per Bugatti Typ 35B.
