Gelasius Dobner
El Vikipedio
Gelasius DOBNER (naskiĝis la 30-an de majo 1719 - mortis la 24-an de majo 1790) estis ĉeĥa historiisto, piaristo, laŭdevene Praga germano, kies atenton altiris la ĉeĥa historio.
Li kritike analizis la Kronikon ĉeĥan de Václav Hájek kaj tiamaniere starigis fundamentojn de la moderna ĉeĥa historia scienco. Li pruvis, ke Hájek multon elpensis kaj kvankam li ne dubis pri la patriotismaj intencoj de la kritikata aŭtoro, tamen li postulis, ke la historiisto serĉu veron, eĉ kiam ĝi ne estas agrabla.
Li eldonis plurajn antikvajn verkojn de la ĉeĥa latinlingva literaturo, ekz. Kristianon, kvankam li opniis ĝin falsaĵo el postaj jarcentoj.
[redaktu] Verkoj
- Monumenta historica Bohemiae nusquam antehac edita (Bohemiaj historiaj memoraĵoj, neniam antaŭe eldonitaj, 1764-1785)
- Wenceslai Hagek a Liboczan Annales Bohemorum (Bohema kroniko de Venceslao Hajek, 1761-1786, 6 volumoj)
