Gaston Waringhien
El Vikipedio
Gaston WARINGHIEN [Gastõ Varẽgẽ] (naskiĝis la 20-an de julio 1901 en Lille - mortis la 20-an de decembro 1991) estis franca profesoro kaj grava vortaristo kaj gramatikisto de Esperanto. Li aperigis verkojn sub la pseŭdonomoj Georges E. MAŬRA, A. NURAK, kaj A. PAPADIAMANTOPOULOS. EN NPIV lia nomo aperas ankaŭ sub la esperantigo Varingjeno.
Waringhien naskiĝis en Lille, Francio. Li gvidis kursojn pri Esperanto, verkis, kaj tradukis. Li estis prezidento de la Akademio de Esperanto de 1963 ĝis 1979. Li estis kunredaktoro de Literatura Mondo kaj ĉefredaktoro de La Nica Literatura Revuo. Li multe tradukis poezion, ĉefe el la franca, sed ankaŭ el la angla kaj la germana, kaj kontribuis al la Angla Antologio. Li estis vortaristo kaj inter la projektoj kiujn li prilaboris estas la Plena Vortaro (1930 kaj postaj eldonoj), la Plena Ilustrita Vortaro (1970), kaj la Granda Vortaro Esperanta-Franca (1957).
Inter liaj verkoj:
- Parnasa gvidlibro (kun Kálmán Kalocsay, 1932)
- Kontribuo al poemkolekto Dekdu Poetoj, 1934
- Plena (analiza) gramatiko (kun Kálmán Kalocsay, 1935, 1938, 1981)
- Facilaj esperantaj legaĵoj (redaktoro, 1935)
- Maksimoj de La Rochefoucauld (traduko, 1935)
- Leteroj de L.L.Zamenhof (redaktoro, 1948)
- Poemoj de Omar Kajam (traduko, 1953)
- Eseoj I: Beletro (originaloj, 1956)
- La floroj de l' malbono (kuntradukinto kaj redaktoro, 1957)
- Kantoj kaj romancoj (tradukinto, kun Kálmán Kalocsay)
- La trofeoj (tradukoj, 1977)
- Tra la parko de la franca poezio: La renesanca periodo / La klasika periodo (tradukoj, 1977/1980)
- La ĥimeroj (tradukoj, 1976)
- Lingvo kaj vivo (eseoj, 1969)
- Ni kaj ĝi (eseoj, 1972)
- 1887 kaj la sekvo (eseoj, 1980)
- Kaj la ceter' - nur literaturo (eseoj, 1983)
- Duonvoĉe (kiel Georges E. Maŭra, originalaj poemoj, 1939 kaj 1963)
Postvivaj eldonoj:
- Alilingvaj erotikaj poemoj (eldonitaj de La Kancerkliniko - kun ne antaŭe eldonitaj poemoj en la franca, tradukitaj de Georges Lagrange kaj Michel Duc-Goninaz, kun desegnoj de Serge Sire)
[redaktu] Citaĵo
 |
 |
|
 |
|
||||||||||
|---|---|---|---|---|---|---|---|---|---|---|---|---|---|---|
| Gaston WARINGHIEN (varengjen), franco, licea profesoso, literatura recenzisto de radio Lille P. T. T. Nask. 29 jul. 1901 en Lille. Prop. delegito de la Norda Federacio de SFPE, sekr-a red. de Politika Sociala Revuo. Gvidis kursojn, sed konata precipe sur la literatura, gramatika kaj vortara kampoj, kunlaboras en la Bulteno de la „Ligue française des Amis de 1' E“. Kunlaboranto de L. M., kie li aperigis krom recenzoj kaj literaturaj studoj poemojn originalajn, kaj tradukitajn el Heine, Baudelaire, Hugo, Heredia, ktp. Liajn tradukojn, distingas brila formo, granda enhava fideleco, arta lingvo, perfekta transdono de sento kaj penso. En siaj pripoeziaj recenzoj, kiuj atestas pri larĝskala kaj delikata kulturo, lin pleje interesas stilaj kaj formaj problemoj. Multe li okupiĝis pri poeziaj demandoj, la rezultojn de siaj studoj li resumis en sia „Skizo de E-a metriko“, aperinta en la libro „Parnasa Gvidlibro“ (1932), kiun li verkis kune kun Kalocsay. Kelkaj liaj lingvaj studoj aperis en la Lingva kritiko de HDE. Granda laboro de li kuŝas en la Plena Vortaro de E, 1930. LK de 1926. TOTSCHE | ||||||||||||||
