Fráňa Šrámek
El Vikipedio
Fráňa ŠRÁMEK (naskiĝis la 19-an de januaro 1877 en Sobotka - mortis la 1-an de julio 1952 en Praha) estis ĉeĥa poeto kaj verkisto.
En junaĝo li laboris inter anarkiistoj, dufoje li estis arestita. Dum la dua mondmilito li úpreskaŭ ne forlasis sian loĝejon en Prago, vivante kiel solulo.
Reprezentanto de la plej pura kaj konsekvenca impresionismo en roman-verkado. Naskiĝinte en malgranda urbo de suda Bohemio li vivis daŭre en Praha, sed por ĉiam konservis en si la ebrieton per la dolĉa kamparo. »Lia luma kaj neelĉerpeble imagema impresionismo venkas ĉie, kie epidermo, nervoj, sensoj reakcias je la senpera atako de la perceptoj de l' ekstera mondo; kie juna estaĵo en dolĉa kaj nerespondeca ekstazo dediĉas sin al la nerifuzebla voko de sento, sekso, fantazio kaj aventuro; kie la spirito dissolviĝas en animaleco kaj la realo en la koloraj vaporoj de plezurplenaj imagaĵoj.« (Arne Novák).
Klasikaĵoj de la ĉeĥa literaturo estas romano Arĝenta vento pri adoleskado kaj dramo Luno super rivero, sukcese filmitaj.
[redaktu] Verkoj
- Sláva života (Gloro de la vivo, 1903, rakonto)
- Ejhle, člověk (Jen homo, 1904, rakonto)
- Sedmibolestní (Sepdoloruloj, 1905, rakontoj)
- Červen (Junio, 1905, dramo)
- Života bído, přec tě mám rád (Vivmizero, tamen mi amas vin, 1905, poemoj)
- Modrý a rudý (Blua kaj ruĝa, 1906, poemoj)
- Kamení, srdce a oblaka (Ŝtonaro, koro kaj nubaro, 1906, rakontoj)
- Stříbrný vítr (Arĝenta vento, 1910, romano)
- Osika (Tremolo, 1912, rakontoj)
- Křižovatky (Krucvojoj, 1913, romano)
- Léto (Somero, 1915, dramo)
- Splav (Kluzo, 1916, poemoj)
- Tělo (Korpo, 1919, romano)
- Klavír a housle (Piano kaj violono, 1920, rakontoj)
- Zvony (Sonoriloj, 1921, dramo)
- Měsíc nad řekou (Luno super rivero, 1922, dramo)
- Plačící satyr (Ploranta satiruso, 1923, dramo)
- Ostrov velké lásky (Insulo de granda amo, 1926, dramo)
- Past (Kaptilo, 1931, romano)
- Rány, růže (Batoj, rozoj, 1945, poemoj)
[redaktu] En Esperanto aperis
- Rompebla feliĉo (tr. Vuk Echtner, en Ĉeĥoslovaka antologio, 1935)
- Raporto (tr. Tomáš Pumpr, Esperantista 8/1947, s. 93, 29.X.1947)
- Ombro (tr. Tomáš Pumpr - manuskripto)
