Filipo la 4-a (Hispanio)
El Vikipedio
Filipo la 4-a (hispanlingve Felipe IV) (naskiĝis la 8-an de aprilo 1605 - mortis la 17-an de septembro 1665) estis reĝo de Hispanio kaj ankaŭ, ĝis 1640, reĝo de Portugalio. Li estis la plej maljuna filo de Filipo la 3-a kaj de Margareto de Aŭstrio, kaj li naskiĝis en Valladolid. Li estis kelkfoje nomigita la "Reĝo-Planedo", tio estas la Suno.
Lia reĝado estis ĉefe markita de militaj malvenkoj. Tamen, oni ne povas atribui al li la progresan falon de Hispanio, ĉar tiun situacion neniu povis kontroli. Fakte, Filipo estis verŝajne pli energiplena, kaj fizike kaj spirite, ol sia patro. Li tradukis la verkojn de Francesco Guicciardini el la itala, kaj li estis bona rajdanto aŭ ĉasisto.
Plie, li manifestis intereson pri arto per la aktiva subteno de la kortega pentristo Diego Velázquez, aŭ intereson pri literaturo per la kuraĝigo de Lope de Vega aŭ Pedro Calderón de la Barca.
La filino de Filipo, Maria Teresa de Hispanio, edziĝis kun la franca reĝo Ludoviko la 14-a en 1660.