Ernfrid Malmgren
El Vikipedio
Esperanto-kulturo > Esperanto-movado > Grava esperantisto > Sveda esperantisto > Ernfrid MALMGREN < Prezidantoj de UEA
 |
| Ernfrid MALMGREN |
Ernfrid Cart MALMGREN, svedo, instruisto. Naskiĝis la 3-an de novembro 1899 en Köping, mortis la 28-an de marto 1970 samtempe kun sia edzino Linea.
Direkciano de SEI kaj fakestro de ĝiaj kursa, financa kaj statistika sekcioj de 1930. Sekr. de SEF de 1931. Sekr. de S. Instruista EF,1929-1931. Prez. de S. E Turista Asocio kaj E Turista Komisiono. Organizis plurajn E kursojn en Stockholm kun ekster- kaj enlandaj instruistoj de 1928; oficialajn E kursojn por svedaj instruistoj somere 1928 kaj dum 1929-31, subvenciataj de la registaro; prelegvojaĝojn de L. Sinha, 1929-30, tiujn de Scherer, 1931. Efektivigis grandajn turistvojaĝojn inter Svedujo kaj Estonujo, 1929-31, kune kun H. Seppik. Ĉefdel. de UEA, 1933. Gen. sekr. por la UK en Stockholm 1934. Verkoj: Sveda Kantareto, 1931; ,Sistema Kurso de E' (kun Seppik), 1932, vendiĝis 5000 e-roj dum 5 monatoj; ,La E-Klubo, 1933.
En 1934 li eniris la Estraron de UEA kaj okupiĝis ĉefe pri informado. En sia hejmo en Stockholm li starigis Propagando-Centron, kaj dum la dua mondmilito li dissendis bultenojn pri la movado precipe en la okupitaj landoj.
Post la kunfandiĝo de Internacia Esperanto-Ligo kaj UEA en 1947 li fariĝis prezidanto. Malmgren, kiu ofte estis malsana, en 1956 rezignis kvankam reelektita en 1955. Malmgren en 1962 ricevis la titolon Honora Prezidanto.
[redaktu] Verkoj
- Esperanto kaj ĝia instruado en lernejoj (laŭ materialo de Somera Pedagogia Semajno en Kranjska gora de 26a julio ĝis 1a aŭgusto 1957, red. Peter Zlatnar, antauparolo de E. Malmgren]. - Jugoslavia Esperanto-Federacio, 1959. - 200 p.)
- La nuna stato de la instruado de la internacia lingvo en la lernejoj (Ivo Lapenna kunlabore kun E. Malmgren, D. Kennedy, 1963)
- Allas andra spraak Esperanto (1957)
- Amikaro adiaŭas amatan Stellan Engholm
- La Esperanto-klubo: kial fondi ĝin, kiel fondi ĝin, kiaj estu la programoj (1933)
- Per kio ni amuzu nin? Societ- kaj dancludoj (de Jakob Rosenberg; Ernfrid Malmgren. - 1934
- Systematický kurs mezinárodního jazyka Esperanto (Henrik Seppik; Ernfrid Malmgren - en la ĉehan trad. Ladislav Krajc. 1938)
- Systematisk kurs i Esperanto (Henrik Seppik; Ernfrid Malmgren. - 1932)
- Esperanto keele süstemaatiline kursus (Henrik Seppik; Ernfrid Malmgren. - 1936)
- Sveda kantareto
