Emile Lombard
El Vikipedio
Emile LOMBARD (lonbar), franco, doktoro pri filologio, licea profesoro en Parizo, mortis la 28-an de aprilo en 1903. Li esperantiĝis jam en 1890. Li estis direktoro de la revuo „L' Etranger“, (titolita „Concordia“ en 1899), kies celo estis disvastigo de fremdaj lingvoj; li enkondukis Esperanton en sian revuon samnivele kun la angla kaj la germana lingvoj. Tio estis la unua revuo favora por Esperanto; ĝi publikigis preskaŭ ĉiumonate artikolojn pri Esperanto, kaj altiris al la movado kelkajn pionirojn (f-ino Zabiton D 'Her, f-ino Roux, ktp.).