Darmstadt
El Vikipedio
Blazono | Mapo |
---|---|
Darmstadt [DARMŝtat]) estas germana urbo en suda Hesio, inter Frankfurt kaj Heidelberg.
Darmstadt estas eksterdistrikta urbo kaj administrejo de la distrikto Darmstadt-Dieburg kaj de la distriktaro (subprovinco) Darmstadt. La urbo havas ĉ. 138.000 loĝantojn kaj areon de ĉ. 122 km². Ĝiaj koordinatoj estas 49° 52' N kaj 8° 38' E; ĝia alto super maro estas 167 metroj.
La urbon ĉirkaŭas la distrikto Darmstadt-Dieburg (urboj Seeheim-Jugenheim sude, Pfungstadt okcidente, Weiterstadt norde, Dieburg, Groß-Umstadt, Reinheim kaj Babenhausen oriente). Najbaras la distriktoj Bergstraße sude (urboj Heppenheim, Bensheim), Groß-Gerau okcidente, Offenbach norde (urboj Offenbach, Langen, Dietzenbach), kaj Odenwald sudoriente (urboj Erbach, Michelstadt, Bad König, Höchst).