Csokonyavisonta
El Vikipedio
Csokonyavisonta (ĉokonjaviŝonta) estas vilaĝo en Hungario, departemento Somogy.
La vilaĝo longas pli ol 7 km kaj estiĝis per kuniĝo de du vilaĝoj, nome Somogyvisonta (ŝomotjviŝonta) kaj Erdőcsokonya (erdoĉokonja).
Oni unuafoje mencia Erdőcsokonya-on en 1269. La komunumo iĝis meze de la 19-a jc kampara urbo. Oni esploris ĉirkaŭ la vilaĝo por nafto, sed trovis en 1942 putofonton, donantan 76 celsiusgardan akvon, kiu forfulis senuzite dum la mondmilito. Poste, en la 1950-aj, 1960-aj jaroj onoi rekonis oficile la akvon kuraca. Ekde tiam la vilaĝo kaj la kuracbanejo evoluis seninterrompe al preskaŭ baneja urbo.
En Erdőcsokonya naskiĝis Nagyatádi Szabó István (1863-1924), hungara politikisto, partiofondinto. Oni ligas al lia nomo la fondon de Tutlanda Etbienula kaj Agrokulturista Partio (Országos Kisgazda és Földmíves Párt) la agrara reformo de Nagyatádi. Li instigis - kiel agrikultura ministro- la arbarizadon de la Hungara Granda Ebenaĵo, elkonstruon de la irigacian kanalsistemon.
En Csokonyavisonta naskiĝis Xantus János (1825-1894), hungara natursciencisto, vojaĝanto-esploristo, koresponda ano de Hungara Scienca Akaemio, fondinto kaj unua prezidanto de la Budapeŝta Zoo.
[redaktu] eksplodo en la banejo, en 2005
En 2005 okazis eksplodo en la kuracbabanejo, kie kolektiĝis metano en kavaĵo, super la serviza tunelo. La kolektiĝantan gason eksplodigis iu, kiu volis ekfumi. Vundiĝis 4 homoj, unu grave.
Dum la preskaŭ 60-jara funkcio tio estis la unua tia okazo.
