Christer Kiselman
El Vikipedio
Christer Oscar KISELMAN, naskita la 8-an de aprilo 1939 en Stokholmo, estas sveda matematikisto kaj esperantisto.
Stacioj de lia kariero:
- 1965-1966 membro de "Institute for Advanced Study" en Princeton, Nov-Ĵerzejo (en Usono)
- 1967 docento ĉe Universitato de Stokholmo
- 1967-1968 vizitanta profesoro ĉe la Universitato de Nice (F)
- 1968–1979 asistanta profesoro ĉe Universitato Uppsala (S)
- Ekde 1979 profesoro tie
KISELMAN estis direktoro de Matematika Instituto de Universitato Uppsala (S) de 1971 ĝis 1975 kaj en 1977. Li estis prezidanto de la komisiono pri edukado en la matematikaj kaj komputaj sciencoj tie, 1977-1983. De 1985 ĝis 1987 li estis vicdekano de la sekcio pri matematiko kaj fiziko ĉe Universitato Uppsala (S). De 1987 ĝis 1988 li estis scienca direktoro ĉe Instituto Mittag-Leffler, Djursholm (S).
Kiselman estas membro de pluraj sciencaj akademioj:
- Reĝa Akademio de Sciencoj Uppsala (1983)
- Reĝa Societo de Sciencoj Uppsala (1984)
- AIS San-Marino (1985)
- Internacia Scienca Akademio Comenius (1986)
- Reĝa Sveda Akademio de Sciencoj (1990)
En 1986 li estis elektita kiel vicprezidanto de ISAE. Li estas ĉefredaktoro de la lingvistika fakrevuo Esperantologio / Esperanto Studies.
Parto de la ĉi-supraj informoj devenas el la Internacia Sciencista Dokumentaro de AIS. Dum la 88-a UK 2003 li estis rektoro de la Internacia Kongresa Universitato.
