Campina Grande
El Vikipedio
Campina Grande (portugallingve Granda Kamparo) (kampina grande) /kã'pinə 'grãdə/, foje esperantigita Kampinagrando aŭ Kampino Granda, estas urbo kaj municipo de Brazilo, kun proksime 376 mil enloĝantoj. Ĝi estas la plej aktiva urbo en Brazila Nordorienta internlando, en ŝtato Paraibo. Ĝi estas super montaro Borborema (borborema) /boRboremə/. Ĝia nomo signifas “Granda Kamparo”. En Campina Grande estas la ĉefa universitata centro de Brazila Nordoriento, en ĝi loĝas pli ol 20 mil studentoj kaj pli ol 2 mil profesoroj, estas en Brazilo urbo kun la plej granda kvanto de profesoroj po loĝantoj.
[redaktu] Esperanto-movado
Ĉirkaŭ 1980 du gejunuloj, Afonso Camboim kaj Maria do Socorro Paz e Albuquerque, lernis Esperanton per la libro Esperanto sem mestre de Francisko Valdomiro Lorenz. En tiu jaro, tuj post la memlernado, ili starigis senpagan kurson ĉe spiritisma centro "Varões do Senhor", en februaro 1981 jam estis pli ol 50 gelernantoj. En la sekvaj jaroj estis granda Esperanto-movado tie, kun ĉirkaŭ 800 gelernantoj kaj apogo de publikaj aŭtoritatuloj. Malgraŭ tio, la movado rapide malvigliĝis kaj malaperis post 1990. Ĝis hodiaŭ, multaj homoj parolas Esperanton en Campina Grande, kaj eĉ sur strate, oni povas aŭdi homojn parolante la lingvon.
[redaktu] Renkontiĝo por Nova Konscio
Ĉiujare dum karnavalo okazas en la urbo la Renkontiĝo por Nova Konscio (Encontro da Nova Consciência) enhavanta diversajn eventojn, kiel kulturajn, artajn, religiajn, sciencajn, soci- kaj medi-movadajn festivalojn, prelegojn, k.t.p. Rimarkindas interalie la interreligia toleremo de la partoprenantoj.
