Brungorĝulo
El Vikipedio
Brungorĝulo (Saxicola rubetra) estas birdo el la turdedoj kun grando de ĉ. 13 cm.
Ĝi havas mallongan voston, kun blanka okulstrio surkape kaj kun simila strio gorĝoflanke. Ĉe la vostobazo troviĝas du blankaj makuloj.
La kapo kaj dorsa flanko de la masklo estas rust-bruna kun malhela striado; sur la malhela flugilo troviĝas blanka makulo. Ĝia gorĝo kaj kropo estas malhele rust-bruna.
La femalo estas pli pala, la okulstrio estas flava, la flugila makulo estas malpli granda.
Sur la flugiloj de la birdidoj ne troviĝas makulo.
La brungorĝulo kantas plantopinte, mallonge.
La brungorĝulo vivas sur malfermaj herbejoj, marĉoj, agrooj ktp. Ĝi nestas surgrunde inter herboj aŭ ĉe arbusta bazo.
Ĝi estas migranta birdo.
