Brita pundo
El Vikipedio
£ |
Brita pundo estas la monunuo de Britio.
La brita pundo, ankaŭ nomita la sterlinga pundo (angle: Pound sterling [paŭnd STERling]), havas ISO 4217 valuto-kodon GBP. Ĝia simbolo estas £ (malofte L, aŭ Ł). La £ simbolo preskaŭ ĉiam antaŭas la numero, ekz. £ 5.00 (kvin pundoj). La simbolo devenas el la latina vorto libra, esperante "pundo".
La pundo egalas al 100 pencoj, kies mallongigo estas (minuskla) p. (Angle: penny [PENi], pluralo pence [pens aŭ penc]). En la kimra lingvo, la mallongigo estas (minuskle) c (kimre ceiniog).
[redaktu] Bankbiletoj
Bankbiletoj estas: £5, £10, £20, £50. La naciaj bankoj de Skotlando kaj Nord-Irlando ankaŭ eldonas siajn proprajn bankbiletojn, sed ili ne estas teorie laŭleĝaj pagrimedoj.
[redaktu] Moneroj
Moneroj estas: 1p, 2p, 5p, 10p, 20p, 50p, £1, £2. Ankaŭ moneroj de 25p kaj £5 stampiĝas, ĉefe kiel memorfestaĵoj, tamen ili estas laŭleĝaj pagrimedoj. La 20p kaj la 50p moneroj estas rimarkindaj, havantaj 7 kurbajn flankojn.